ललितपुरको कुपण्डोल हाइटमा सामसङ प्लाजा खुल्यो, ग्राहकलाई अझै स्तरीय सेवा दिने दावी

२०७२ साउन १२

काठमाडौं । सामसङका उत्पादनको आधिकारिक विक्रेता हिम इलेक्ट्रोनिकस् प्रालिले कुपण्डोल हाइटमा आफ्नो सोरुम खोलेको छ । यो सोरुम खुलेसँगै कम्पनीको सोरुमको संख्या १२ पुगेको छ ।

सामसङ्गका उत्पादन प्रति ग्राहकको बढ्दो माग पूर्र्तीको लागि हिम इलेक्ट्रोनिकसले काठमाडौँ भित्र मात्र नभइ काठमाडौँ उपत्यका बाहिर पनि सामसङको आउटलेट अर्थात सामसङ प्लाजा विस्तारको लागि योजना बनाइरहेको जनाएको छ ।

सामसङको काठमाडौँ उपत्यका बाहिर नारायणघाट, पोखरा र धनगढीमा गरि तीन वटा सामसङ प्लाजा रहेका छन् । कम्पनीले यो वर्षभित्रमा पाँचवटा सामसङ प्लाजा विस्तार गर्ने जनाएको छ ।

सामसङले नेपालमा पहिलो पटक युएचडी कर्भ्ड टिभी भित्र्याएको छ ।