कार्ल्सवर्गले लामबर्टले हस्ताक्षर गरेको फुटबल सगरमाथा लैजाँदै, वैशाख चौथो साता सगरमाथा पुग्ने

नौ नम्बर जर्सीका रिकी लामवर्ट, २१ नम्बरका डिफेन्सिभ मिड्फिल्डर लुकास लिभा, ५० नम्बरका लाजार मार्कोभिक तथा १० नम्बरका अट्याकिङ मिड्फिल्डर फिलिपकोटिन्होको अटोग्राफ रहेको छ । जर्सी नम्बर नौ लगाउने रिकी लामबर्टको अटोग्राफ भएको प्रिमियर लिगको अफिसियल फुटबललाई सगरमाथाको चुचुरोमा पठाइने भएको छ ।

अन्य अटोग्राफ भएको बलहरुलाई प्रचारप्रसारमा उपयोग गरिनेछ । ‘नेपालका फुटबल फ्यानहरुका साथ यो जीवनमा एक पटक मात्र आउने मौका बाँड्न पाउँदा गोर्खा ब्रुअरी ज्यादै उत्साहित छ,’ ब्रुअरीले जारी गरेको विज्ञप्तिमा उल्लेख गरेको छ ।

‘कार्ल्सवर्गले लिभरपुल फुटबल क्लबका खेलाडीहरुले हस्ताक्षर गरेको बारक्लेज् प्रिमियर लिग अफिसियल फुटबल प्रदर्शित गर्न पाउनु साँच्चै नै एउटा बेग्लै र अभूतपूर्व मौका हो,’ ब्रुअरीका प्रबन्ध निर्देशक फिलिपनोर्लेले भने, ‘हाम्रो लिभरपुल फुटबल क्लबसँगको सम्बन्ध सन् १९९२ देखि सुरु भएको थियो । यो कार्ल्सवर्गको इंग्लिस फुटबलसँगको पहिलो अबद्धता थियो, जुन प्रभावकारीरुपमा विकसित हुँदै गयो ।‘

यसैगरी कार्ल्सवर्गका ग्राहकहरुको अटोग्राफलाई खेलाडीले हस्ताक्षर गरेको बलसँगै सगरमाथाको चुचुरोमा पठाउने जनाएको छ । 

हस्ताक्षर गरिएको बल काठमाडौंका छानिएका आउटलेटहरुमा ६ हप्ताका लागि राखिनेछ । कार्ल्सवर्गका उपभोक्ताले नेपालभरि रहेका  दुईहजार आउटलेटहरु मध्ये कुनै पनि आउटलेटमा गई आफ्नो अटोग्राफ दिएर यस क्याम्पियनमा सहभागी हुनसक्ने बताएको छ ।

यो कार्यक्रम बिहीबारदेखि २०७२ वैशाखको तेस्रो सातासम्म लागू हुनेछ । वैशाखको चौथो साता प्रिमियर लिगको फुटबल र अटोग्राफयुक्त ब्यानर सगरमाथाको चुचुरोमा पुग्ने ब्रुअरीका बजारीकरण निर्देशक आशिष विष्टले बताए ।