वैद्य नेतृत्वको माओवादीले भारतीय गाडीलाई नेपाल प्रवेशमा रोक लगाउने

काठमाडौं । वैद्य नेतृत्वको नेकपा –माओवादीले विहिवारदेखि भारतीय नम्बरप्लेटका गाडी चल्नमा रोक लगाएको छ । मंगलवार पार्टी पोलिटव्युरो र बुधवार पदाधिकारी बैठक बसेर भारतीय गाडी नेपाल प्रवेशमा रोक लगाउने निर्णय गरेको हो । –माओवादी प्रवक्ता पम्फा भुषालले बुधवार प्रेस विज्ञप्ति जारी गर्दै राष्ट्रिय अर्थतन्त्रको विकासका लागि पार्टीले भारतीय गाडी रोक्ने निर्णय गरेको जानकारी दिइन् ।
पार्टीले नेपाल भित्रिएका भारतीय गाडी फर्कनमा भने कुनै पनि अवरोध नगरिने जानकारी दिएको छ । भारतीय गाडी रोक्ने –माओवादीको निर्णयको अन्य राजनीतिक दल र नागरिक समाजले भने चर्को विरोध गरेको छ ।