BIZMANDU
www.bizmandu.com

अनौपचारिक बजारबाट भारत आइपुग्यो आईफोन ५, मूल्य एक लाख ८४ हजार रुपैयाँ

२०६९ असोज १०

अनौपचारिक बजारबाट भारत आइपुग्यो आईफोन ५, मूल्य एक लाख ८४ हजार रुपैयाँ
अनौपचारिक बजारबाट भारत आइपुग्यो आईफोन ५, मूल्य एक लाख ८४ हजार रुपैयाँ


नयाँदिल्ली । एप्पलले भर्खरै बजारमा ल्याएको आईफोन ५ बोक्ने इच्छा छ भने दुई लाख रुपैंया बोकर भारतयात्रा गर्नु भए हुन्छ । हो, भारतीय संचारमाध्यमका अनुसार भारतमा दुई लाख रुपैंयामा आईफोन ५ को अनलक्ड भर्सन बिक्री वितरण भईरहेको छ । विश्व बजारमा एक साताअघि देखि बिक्री सुरु भएको एप्पलको आईफोन ५ भारतमा औपचारीक रुपमा बिक्री हुन थालेको छैन ।
नानो सिम मात्रै राख्न मिल्ने आईफोन ५ फोन गर्नकालागि नभई संगित सुन्न तथा इन्टरनेट चलाउनकालागि खरिद भैरहेको व्यापारीहरु बताउँछन् । हाल मूम्बईको हिरा पन्ना तथा खान मार्केटमा मात्रै आईफोन ५ बिक्री भइरहेको छ । सामान्य सिमलाई काटेर एवं घोटेर भए पनि प्रयोग गरिरहेका छन् । भारतमा १ लाख भारुमा नानो कार नै पाइन्छ । आईफोन ५ को मूल्य भने १ लाख १५ हजार भारु देखि १ लाख ३५ हजार भारुसम्म छ ।
हालसम्म कहिले बिक्री हुने भन्ने तय नभएको भए पनि अनलाईन मार्केट इबे डट ईन तथा ओएलएक्स डट इनमा ५८ हजार भारुमा १६ जिबी,  ९४ हजार भारुमा ३२ जिबी र एक लाख ६ हजार भारुमा ६४ जिबीको आइफोन ५ अर्डर गर्न सकिन्छ ।
आधिकारीक भन्दा उच्च मूल्य भए पनि भारतमा अनौपचारीक माध्यमबाट भित्रिएका आईफोन ५ को माग उच्च भएको बिक्रेताहरु बताउँछन् । कम्पनीले आईफोन ५ को १६ जिबीको मूल्य ६४९ डलर (५६ हजार रुपैंया), ३२ जिबीको मूल्य ७४९ डलर (६४ हजार ५ सय रुपैंया) तथा ६४ जिबीको मूल्य ८४९ डलर (७३ हजार रुपैंया) निर्धारण गरेको छ ।

Tata
GBIME
Nepal Life