कोषको कार्यालयहरुमा सञ्चयकर्ता प्रमाणित गर्नका लागि कर्मचारीहरुको भिँड लागेको छ । २०६७ साल साउन १४ सम्म सञ्चय कोषमा बचत गर्नेहरुले तामाकोशीको सेयरमा आवेदन भर्न पाउँछन् ।
तामाकोशीले एक सय रुपैयाँ अंकित दरका तीन करोड ६० लाख ६ हजार कित्ता सेयर जारी गरेको छ । कम्पनीले तामाकोशी निर्माणस्थल दोलखाका बासिन्दालाई एक करोड पाँच लाख ९० हजार कित्ता सेयर जारी गरेको हो ।
साथै ऋण सम्झौता हुँदा ९चार बर्षअघि० कर्मचारी सञ्चय कोषको बचतकर्ताहरुका लागि एक करोड ८२ लाख ९९ हजार ५२० कित्ता, आयोजनामा ऋण लगानी गर्ने संस्थाका कर्मचारीका लागि ३० लाख ४९ हजार ९२० कित्ता र आयोजनाका कर्मचारी तथा विद्युत् प्राधिकरणका कर्मचारीका लागि ४० लाख ६६ हजार ५६० कित्ता सेयर जारी गरिएको छ । आयोजनामा सञ्चय कोष, नागरिक लगानी कोष, नेपाल टेलिकम र राष्ट्रिय बिमा संस्थानले ऋण लगानी गरेका छन् ।