BIZMANDU
www.bizmandu.com

डलर ८८ नाघ्यो, सुनको मूल्य तोलामा सय बढ्यो, क्रुड आयलको मूल्य घट्यो

२०६९ असार २२

डलर ८८ नाघ्यो, सुनको मूल्य तोलामा सय बढ्यो, क्रुड आयलको मूल्य घट्यो
डलर ८८ नाघ्यो, सुनको मूल्य तोलामा सय बढ्यो, क्रुड आयलको मूल्य घट्यो


काठमाडौं । बिहिवार तोलामा दुई सय रुपैयाँले महँगो भएको सुन शुक्रवार थप एक सय रुपैयाँ महँगो भयो । शुक्रवार र शनिवारका लागि नेपाल सुन चाँदी व्यवसायी संघले नेपालमा छापावाल सुन प्रतितोला ५६ हजार ६५० रुपैयाँ, तेजावी सुन ५६ हजार तीन सय रुपैयाँ तोकेको छ ।
तर शुक्रवार चाँदी भने किलोमा चार हजार रुपैयाँ सस्तो भएर आठ लाख ७९ हजार रुपैयाँ कायम भएको छ । अन्तराष्ट्रिय बजारमा सुन सस्तो भए पनि नेपाली रुपैयाँ डलरको तुलनामा अवमूल्यन भएपछि नेपालमा सुन महँगो भएको हो ।
विहिवारको तुलनामा शुक्रवार डलरको तुलनामा नेपाली मुद्रा एक रुपैयाँले अवमूल्यन भएको थियो । शुक्रवार नेपाल राष्ट्र बैंकले डलरको भाउ ८८ रुपैयाँ ३४ पैसा तोके पनि बाणिज्य बैंकहरुले ७० पैसा बढी ८९ रुपैयाँ १० पैसा तोकेका छन् ।
अन्तराष्ट्रिय बजारमा शुक्रवार सुन प्रति औंसमा दुई डलरले घटेर १६०२ डलरमा कारोवार भयो । डलरको अधिमूल्यन हुन थालेपछि क्रुड आयलको मूल्य पनि घट्न थालेको छ । शुक्रवार क्रुड आयलको मूल्य प्रतिव्यारेल १०० डलरभन्दा तल झ¥यो ।

Tata
GBIME
Nepal Life