नयाँ वर्षदेखि बैंकको व्यवस्थापन दिनेश थकालीले सम्हालिरहेका छन्। यसबीच बैंकले प्रोभिजनिङबापतको रकम १६ करोड १३ लाख रुपैयाँ घटायो। प्रोभिजनिङमा बैंकले यसपालि ९ करोड ५२ लाख रुपैयाँ छुट्याएको छ। यो रकम पोहोर तीन महिनामा २५ करोड ६५ लाख रुपैयाँ थियो।

नाफासँगै बैंकको प्रतिसेयर आम्दानी सुधारिएको छ। गत आर्थिक वर्षको पहिलो त्रैमासमा ५.२९ रुपैयाँ रहेको यस्तो आम्दानी अहिले १४.५७ रुपैयाँ पुगेको छ। बैंकको प्रतिसेयर नेटवर्थ १४७.१८ रुपैयाँ छ।

बैंकको खराब कर्जाको अनुपात भने बढेको छ। अघिल्लो वर्ष असोजमा ३.४० प्रतिशत रहेको निष्कृय कर्जा अहिले ३.४८ प्रतिशत पुगेको छ।

बैंकको खुद ब्याज आम्दानी पनि पोहोरभन्दा सामान्य घटेको देखिन्छ। उसको खुद ब्याज आम्दानी ४९ करोड रुपैयाँ छ। जबकि पोहोर असोजमा ५२ करोड नाघेको थियो। यसबीच स्प्रेड दर ४.६७ प्रतिशतबाट ४.५८ प्रतिशतमा झरेको छ।

The post प्रोभिजनिङ घट्दा कामना सेवाको नाफामा छलाङ, पहिलो त्रैमासमै करिब १२ करोड appeared first on BIZMANDU.