व्यस्त र कंक्रिटको जंगलबीच फैलिएको रातो र सुनौलो रंग देखेर कुनै पनि फोटोग्राफर मोहित हुने ने भए।

गिंकोका पातहरुले सडकलाई पूरै सुरुङ जस्तै परिदृश्यमा परिवर्तन गरेको छ। म एउटै ठाउँमा बसेर लगातार आफ्नो क्यामेराको सटर बटन थिचिराखेको थिएँ, किनकि हरेक सेकेन्डमा दृश्य बदलिइरहेको थियो।

हरेक परिवर्तनको कथा छुट्टाछुट्टै थियो। कतिपय ठाउँमा बच्चाहरु हाँस्दै रमाउँदै पातका थुप्राहरू उचाल्दै खेलिरहेका थिए। उनीहरुको त्यो खुसीले त्यो सुनौलो वातावरणलाई झन् जीवन्त बनाइरहेको थियो।

टोकियोको अर्को कुनामा मेपलका राता पातहरूले सहरलाई अर्कै भावनामा रंग्याइरहेको छ। म पार्कको एक कुनामा बसिरहँदा मानिसहरु मेपलको छहारी मुनि हिडिँरहेका थिए। कोही फोटो खिच्दै थिए, मेपल र आफूलाई क्यामरामा कैद गर्दै थिए। म पनि स्थानीय भावनामा बगेँ।

शरद ऋतुको यो सुन्दरता फेरि देखे पछि मात्र मैले महसुस गरें कि जापानको बसाइ पनि एक वर्ष भइसकेछ। टोकियोको सुनौलो गिंकोले छोपेको यो सडक र रातो मेपलले रंगिएको पार्कहरु र सहरको चहलपहलबीच मलाई लाग्यो टोकियो केवल भविष्यतिर दौडिने सहर होइन।

यो सहर प्रकृतिको न्यानो अंगालोमा बास बस्ने सहर पनि हो। म यसअघि पनि वसन्तमा फुलेको साकुरा चेरी ब्लसम मुनि पनि क्यामेरा बोकेर उभिएको थिएँ। टोकियोको यो परिवर्तित दृश्य हेर्न र यसमा रमाउन यहाँ आन्तरिक र बाह्य पर्यटकको घुइँचो लाग्ने गर्छ।

The post कंक्रिटका भवनबीच सुनौलो गिंको फूलले सजिएको टोकियो सहर (तस्विरहरु) appeared first on BIZMANDU.

सान्जा मतसुरीको अन्तिम दिन टोकियोको आसाकुसामा यो पर्व मनाइएको हो। सान्जा मतसुरी मे महिनामा जापानमा मनाइने ठूलो पर्व हो।

त्यसबेलामा काठमाडौंमा खटमा देवता राखेर परिक्रमा गराएको जस्तै टोकियोमा मिकोसीलाई काँधमा राखेर नगर परिक्रमा गराइएको थियो।

युवायुवतीहरुले काँधमा कयौं मिकोसी बोक्दै सहर परिक्रमा गरेका थिए। त्यस क्रममा उनीहरले हाप्पी कोट समेत भनिने परम्परागत पोसाक लगाएका थिए। वृद्धवृद्धा र बालबालिकाहरु समेत मिकोसीको यात्रामा सहभागी थिए।

सेन्सो जी मन्दिरको संस्थापकहरुको सम्मानमा यो पर्व ३ दिनसम्म मनाइन्छ। अन्तिम दिन भने यसरी खट जात्रा नै निकाल्ने गरिन्छ।

३ दिने पर्व हेर्न लाखौं मानिस टोकियो पुगेका थिए। यो जात्रा हेर्न विश्वभरबाट मानिस टोकियो पुग्ने गर्छन्। हरेक वर्ष मे महिनामा मनाइने यो जात्राले स्थानीय अर्थतन्त्रलाई समेत फाइदा पुर्‍याउँदै आएको छ।

The post टोकियोमा मिकोसीलाई काँधमा बोक्दै जब सहर परिक्रमा गराइयो… (तस्विरहरु) appeared first on BIZMANDU.

आउने केही समयमै काठमाडौं ज्याकाराण्डाको सुन्दरताले छोपिनेछ। काठमाडौंमा ज्याकाराण्डा फूल्न थालिरहँदा जापानको टोकियोमा भने ‘चार्म’ छ साकुराको।

काठमाडौंभन्दा गर्मी अहिले छ टोकियोमा। त्यही गर्मीलाई शीतल बनाएको छ साकुराका रुखहरुले।

साकुरा फूलाका रुखहरु छहारी बनेको छ जापानीसँगै आगन्तुकहरुको अहिले। यो फूल फूल्दा रुख मुनि पुगेर पिकनिङ गर्छन् जापानी। साथी र परिवारसहित विभिन्न परिकार चाख्छन् र प्रकृतिको सुन्दरतामा रमाउँछन्।

विभिन्न कार्यक्रमहरु साकुरा मुनि नै हुने गर्छ। वर्षमा एकपटक फूल्ने साकुरा एउटा प्रतिक नै बनेको छ टोकियोको। नदीमा डुंगा चलाउँदै साकुरा हेर्नेको मज्जा नै बेग्लै।

सामाजिक संजालमा तस्विर राख्न यहाँ फोटो खिच्न पुग्नेको लर्को छ। इन्फलुएन्सरहरु पनि भिडियो र तस्विर लिइरहेका देखिन्छन् यहाँ।

काठमाडौं बैजनी रंगले ढाकिँदा यहाँ टोकियोमा भने साकुरा झरी सक्छन्। केही सातामात्रै रुखमा टिक्ने यी फूल हेर्न मानिसहरु  पुगिरहेका छन्। हावा चल्दा खस्ने फूलले हिउँ पर्दा सेताम्मे हुने सहर जस्तो अनुभव गराउँछ साकुराले।

भनिन्छ जापानको फूलेका यी साकुराको सम्बन्ध हिमालय क्षेत्रसँग छ। नेपालबाटै साकुरा जापान र चीन पुगेको भनाइ समेत। नेपालमा यो फूललाई पय्यौ भनिन्दो रहेछ। यहाँ घुम्न आउने नेपालीहरुले यसबारेमा चर्चा गरिरहन्छन्।

फूल झरे पछि यी रुपमा पात पलाउँछन् र चेरी फल फल्छ।

टोकियोको नदी किनारदेखि जंगलसम्म साकुरा ढकमक्क फूलेको छ अहिले। त्यही साकुरा हेर्न मानिस ओइरिरहेका छन् यहाँ। अब केही दिनमात्रको पाहुना हो साकुरा टोकियोको। त्यसपछि अर्को वर्ष कुर्नु पछि यो रमझममा फेरि रमाउन।

The post ज्याकराण्डाले काठमाडौं ढाकेजस्तै साकुराको सुन्दरतामा रमाइरहेको छ टोकियो (तस्विरहरु) appeared first on BIZMANDU.

अहिले प्रहरी, स्थानीय र वारुणयन्त्र मिलेर आगो नियन्त्रणमा लिने प्रयास भइरहेको छ। आगो लागेको ३ घण्टाभन्दा बढी भइसकेको छ।

टहरामा आगो लागेकोले डोजरबाट टहरा भत्काउने कार्य भइरहेको छ।

The post गोकर्णेश्वरको नयाँपाटीमा संचालित उद्योगमा आगलागी, नियन्त्रणको प्रयास जारी appeared first on BIZMANDU.

सो सडक केही अघि पनि भासिएको थियो। फेरि सडक पुरिए पनि अविरल वर्षासँगै भासिएको हो।

हाल भासिएको सडक टुकुचा खोलासँगै बनेको छ। स्थानीयले माटो टुकुचामा मिसिँदा सडक भासिएको अनुमान गरिएको छ। सडक मुनिको भाग निकै पुरानो भएको र टुकुचामा बर्खामा बग्ने पानीका कारण सो संरचना निकै कमजोर भएको बताइएको छ।

सडक मुनि बनाइएको पर्खाल पनि भत्किने अवस्थामा छ। हाल भासिएको ठाउँबाट टुकुचा बगेको प्रष्टै देखिन्छ।

सडक भासिएपछि सवारी आवगमन अवरुद्ध भएको छ। सडकलाई तत्काल मर्मत नगेर हाल दैनिकजसो भइरहेको भारी वर्षाका कारण सो क्षेत्रमा थप क्षति हुन सक्ने देखिएको छ। त्यसैले स्थानीय सडकलाई मर्मत गर्न माग गरेका छन्।

The post काठमाडौं महानगरपालिकाको भवनसँगैको सडक भासियो, ‘टुकुचामा माटो गयो’ appeared first on BIZMANDU.