काठमाडौं। नक्कली जग्गा धनीपुर्जा बनाएर बैंकबाट ऋण लिएको खुलेको छ। बाँके ३३ कट्ठा जग्गाको नक्कली पुर्जा बनाएर मुक्तिनाथ विकास बैंक लिमिटेड लगनटोल काठमाडौंबाट १ करोड २० लाख रकम कर्जा लिएको खुलेको हो।
अनुसन्धानका क्रममा बाँके प्रहरीले काठमाडौं प्रहरीको सहयोगमा तीन जनालाई नियन्त्रणमा लिएको छ।
पक्राउ पर्नेहरूमा काभ्रेपलाञ्चोक बनेपा नगरपालिका-१ घर भएका २२ वर्षीय गौरव कार्की र ३५ वर्षीय ईश्वरी माया रोका तथा बारा घर भएका ३५ वर्षीय दिलीप कुमार सिंह छन्।
घटनाको थप अनुसन्धान भइरहेको प्रहरीले जानकारी दिएको छ।
