काठमाडौं। चर्चित राइड सेयरिङ प्लेटफर्म उबरले आफ्नो फ्लिट सर्भिसमा १ लाख यूनिट बीवाइडी कार सामेल गर्ने भएको छ। यस सम्बन्धमा उबरले बीवाइडीसँग सम्झौता गरेको छ।
सम्झौता अनुसार सेवा युरोप र ल्याटिन अमेरिकाबाट सुरु हुनेछ। उबर ड्राइभरलाई विशेष मूल्यमा बीवाइडी कार बिक्री गर्न र सरल फाइनान्स सुविधा दिन समेत दुई कम्पनीबीच सम्झौता भएको बीवाइडीले जनाएको छ।
दुई कम्पनी मिलेर भविष्यमा अटोनोमस प्रविधि विकास गर्ने र उबर प्लेटफर्मका लागि उपयोगी हुने गरी बीवाइडीले अटोनोमस प्रविधिका कार विकास गर्ने सम्झौता भएको पनि जनाइएको छ।
बीवाईडीसँगको सहकार्यमा आफ्नो फ्लिट सर्भिसलाई विश्वव्यापी बनाउने उबरले जनाएको छ।
