
काठमाडौं। वाणिज्य बैंकहरूले औसत ०.०८ प्रतिशत विन्दुले मुद्दति निक्षेपको ब्याजदर घटाएका छन्। २०८१ वैशाखमा ७.१४ प्रतिशत रहेको मुद्दति निक्षेपको औसत ब्याजदर ०.०८ प्रतिशतले घटेर जेठका लागि ७.०६ प्रतिशतमा झरेको हो।
जेठ १ गतेदेखि लागू हुनेगरी सार्वजनिक गरिएको नयाँ ब्याजदर अनुसार संचालनमा रहेका २० मध्ये ८ बैंकले निक्षेपको ब्याजदर घटाएका छन्।
एनआईसी एशिया र ग्लोबल आइएमई बैंकले भने निक्षेपको ब्याजदर बढाएका छन्। ९ वाणिज्य बैंकले भने जेठमा ब्याजदर स्थिर राखेका छन्। कृषि विकास बैंकले नयाँ ब्याजदर सार्वजनिक गरिसकेको छैन।
जेठका लागि हिमालयन, प्रभु, कुमारी, माछापुच्छ्रे, लक्ष्मी सनराइज, स्टान्डर्ड चार्टर्ड, नेपाल इन्भेष्टमेन्ट मेगा, नेपाल बैंक र राष्ट्रिय वाणिज्य बैंकले मुद्दति निक्षेपको ब्याजदर यथावथ नै राखेका छन्।
चालु आर्थिक वर्षमा बैंकहरूले अपेक्षाजनक रुपमा कर्जा बढाउन सकेका छैनन्। जसले गर्दा तरलता थुप्रिएर पछिल्लो केही महिनायता बैंकहरूले निरन्तर निक्षेपको ब्याजदर घटाउँदै आइरहेका हुन्।
घटेको निक्षेपको ब्याजदरले लागत घट्न गई कर्जा समेत सस्तिने देखिन्छ। यो वर्षको अन्तमा पनि कर्जा उल्लेख्य रुपमा बढ्न सक्ने सम्भावना नहुँदा आगामी समयमा थप ब्याजदर घट्ने देखिन्छ।
क्र.सं. | बैंक | २०८१ जेठ | २०८१ वैशाख | २०८० चैत | २०८० फागुन |
---|---|---|---|---|---|
१ | प्राइम कमर्सियल | ७ | ७.१ | ७.३५ | ७.४ |
३ | माछापुच्छ्रे | ७.२५ | ७.३५ | ७.७५ | ८ |
३ | नेपाल एसबिआइ | ६.३९ | ५.५३ | ७.०१ | ८.१ |
४ | कुमारी | ७.२६ | ७.३५ | ७.५१ | ८.०१ |
५ | कृषि विकास बैंक | – | ५.५५ | ५.५५ | ५.४४ |
५ | प्रभु | ७.५० | ७ | ७.५ | ७.५ |
७ | सानिमा | ६.९० | ७.१ | ७.३५ | ७.५१ |
८ | एनएमबि | ७.८० | ७.९७ | ७ | ८.५ |
९ | लक्ष्मी सनराइज | ७ | ७ | ७.५ | ८ |
१० | एनआइसी एसिया | ७.८० | ७.७५ | ८.५४ | ८ |
११ | राष्ट्रिय वाणिज्य बैंक | ७.४० | ५.५५ | ७ | ७.३५ |
१३ | नबिल बैंक | ७.७५ | ७.३५ | ७.३५ | ७.७५ |
१३ | ग्लोबल आइएमई | ७.५० | ७ | ७.५ | ७.५ |
१४ | स्ट्यान्डर्ड चार्टर्ड | ७ | ७ | ७ | ७.३५ |
१५ | नेपाल बैंक | ६.७५ | ५.७५ | ७ | ७.३५ |
१५ | एभरेष्ट | ६.५० | ७ | ५.५ | ८ |
१७ | नेपाल इन्भेष्टमेन्ट | ७ | ७ | ७ | ८ |
१८ | सिटिजन्स् | ७ | ७.५ | ७.७५ | ८.३५ |
१९ | सिद्धार्थ | ७ | ७.३५ | ७.५ | ८ |
३० | हिमालयन | ७.५० | ७.५ | ७.५ | ८.१५ |
औसत | ७.०६ | ७.१४ | ७.३५ | ८.१५ |