
काठमाडौं। वाणिज्य बैंकहरूले औसत ०.१८ प्रतिशत विन्दुले मुद्दती निक्षेपको ब्याजदर घटाएका छन्। २०८० चैतमा ७.२५ प्रतिशत रहेको मुद्दती निक्षेपको औसत ब्याजदर ०.१८ प्रतिशतले घटेर वैशाखका लागि ७.०७ प्रतिशतमा झरेको हो।
वैशाख १ गतेदेखि लागू हुने गरी सार्वजनिक गरिएको नयाँ ब्याजदर अनुसार सञ्चालनमा रहेका २० मध्ये १३ बैंकले निक्षेपको ब्याजदर घटाएका छन्। एभरेष्ट बैंक र एनएमबि बैंकले भने निक्षेपको ब्याजदर बढाएका छन्। पाँच वाणिज्य बैंकले भने चैतमा ब्याजदर स्थिर राखेका छन्।
वैशाखको लागि कृषि विकास बैंक, स्टान्डर्ड चार्टर्ड बैंक, नेपाल इन्भेष्टमेन्ट मेगा बैंक, नबिल बैंक र हिमालयल बैंकले मुद्दती निक्षेपको ब्याजदर यथावथ नै राखेका छन्। चैतमा निक्षेपको ब्याजदर बढाएको एनआइसी एशिया बैंकले वैशाखमा भने घटाएको छ।
चैतमा अर्थ मन्त्रालयले स्थानीय तहमा जाने अनुदानको पैसा बैंकहरूलाई निक्षेपमा गणना गर्न नदिने निर्णय गरेको थियो। त्यसले बैंकबाट झन्डै ९० अर्ब रुपैयाँ निक्षेप घटेको थियो। जसकारण वैशाखमा बैंकहरूले निक्षेपको ब्याजदर थोरै मात्रै घटाएको देखिन्छ।
बैंक | वैशाखकाे ब्याजदर (प्रतिशतमा) | चैतकाे ब्याजदर (प्रतिशतमा) | फागुनकाे ब्याजदर (प्रतिशतमा) |
प्राइम कमर्सियल | ७.१ | ७.२५ | ७.४ |
माछापुच्छ्रे | ७.२५ | ७.७५ | ८ |
नेपाल एसबिआइ | ६.५३ | ७.०१ | ८.१ |
कुमारी | ७.२६ | ७.५१ | ८.०१ |
कृषि विकास बैंक | ५.६६ | ५.६६ | ६.४४ |
प्रभु | ७ | ७.५ | ७.५ |
सानिमा | ७.१ | ७.२५ | ७.५१ |
एनएमबि | ७.९७ | ७ | ८.५ |
लक्ष्मी सनराइज | ७ | ७.५ | ८ |
एनआइसी एसिया | ७.७५ | ८.५४ | ८ |
राष्ट्रिय वाणिज्य बैंक | ६.५५ | ७ | ७.३५ |
नबिल बैंक | ७.२५ | ७.२५ | ७.७५ |
ग्लोबल आइएमई | ७ | ७.६ | ७.६ |
स्ट्यान्डर्ड चार्टर्ड | ७ | ७ | ७.३५ |
नेपाल बैंक | ६.७५ | ७ | ७.2५ |
एभरेष्ट | ७ | ६.५ | ८ |
नेपाल इन्भेष्टमेन्ट | ७ | ७ | ८ |
सिटिजन्स् | ७.५ | ७.७५ | ८.2५ |
सिद्धार्थ | ७.२५ | ७.५ | ८ |
हिमालयन | ७.५ | ७.५ | ८.१५ |
औसत | ७.०७ | ७.२५ | ८.१६ |