काठमाडौं । अवैध रुपमा ल्याएको १८ किलो चाँदी सहित प्रहरीले एक युवकलाई पक्राउ गरेको छ।
मोरङ बेलबारी नगरपालिका-७ बाहुनीबाट सशस्त्र प्रहरीले ८ लाख ७४ हजार ५५२ रुपैयाँ पर्ने चाँदीको तयारी गरगहनासहित एकजनालाई नियन्त्रणमा लिएको हो।
कानेपोखरी गाउँपालिका-६ बस्ने ३८ वर्षीय विजय खत्रीलाई १७ किलो ९६० ग्राम चाँदीको तयारी गरगहनासहित सुरक्षा बेस बाहुनीले नियन्त्रणमा लिएको हो। प्रदेश १–०२–०४९ प ७००२ नम्बरको मोटरसाइकल सवार उनले लुकाई छिपाई लैजाँदै गरेको अवस्थामा १२ किलो २११ ग्राम चाँदीको गरगहनासहित नियन्त्रणमा लिइएको थियो।
त्यसपछि खत्रीसँग बयान लिए पछि उनको घरबाट थप ५ किलो ७४९ ग्राम चाँदी बरामद गरेको हो।
प्रहरीले आवश्यक कारबाहीको लागि चाँदी सहित खत्रीलाई विराटनगर भन्सार कार्यालय मोरङमा बुझाइएको छ।
