काठमाडौं। सिटिजन्स बैंक इन्टरनेसनलले संस्थागत सामाजिक उत्तरदायित्वअन्तर्गत विद्यार्थीलाई न्यानो कपडा वितरण गरेको छ। बैंकले दुई वटा विद्यालयका २८१ विद्यार्थीलाई न्यानो कपडा सहयोग गरेको हो।
उदयपुरको चौदण्डीगढी नगरपालिका-८ स्थित सरस्वती माध्यमिक विद्यालयका १९१ र बुटवलको मायादेवी जनजागृति आधारभूत विद्यालयका ९० विद्यार्थीलाई कपडा प्रदान गरेको बैंकले जारी गरेको प्रेस विज्ञप्तिमा उल्लेख छ।
विपन्न परिवारका बालबालिका अध्ययनरत भएकाले ती दुई विद्यालय छानिएको बैंकले जनाएको छ।
