नेपाल एसबीआइ बैंकले साधारणसभामा लाभांश र भत्ता वृद्धिको विशेष प्रस्ताव लैजाँदै, २५ गते सभा

बिजमाण्डू
२०७९ पुष ४ गते ०९:३५ | Dec 19, 2022
नेपाल एसबीआइ बैंकले साधारणसभामा लाभांश र भत्ता वृद्धिको विशेष प्रस्ताव लैजाँदै, २५ गते सभा


काठमाडौं। नेपाल एसबीआइ बैंकले साधारण सभा डाकेको छ। बैंकले लाभांश वितरण सम्बन्धि प्रस्ताव सभामा लैजाँदैछ। भत्ता वृद्धिको विशेष प्रस्ताव पनि समावेश छ। सभा पुस २५ गते त्रिभुवन आर्मी अफिसर्स क्लब, भद्रकालीमा बस्दैछ। 

Tata
GBIME

बैंकले गत आर्थिक वर्षको नाफाबाट प्रस्ताव गरेको १०.५३ प्रतिशत लाभांश सभाबाट पारित गर्ने जनाएको छ। प्रस्तावित लाभांशमध्ये ३ प्रतिशत मात्र बोनस सेयर हो। बैंकले बाँकी नगद दिने जनाएको छ। कर पनि यसैमा समावेश छ।

सभाले अध्यक्ष र सञ्चालकहरुको बैठक भत्ता वृद्धि गर्ने बारे पनि छलफल गर्दैछ। भत्ता बढाएर अध्यक्षको १८ हजार रुपैयाँ र सञ्चालकहरुको १५ हजार रुपैयाँ पुर्याउन प्रस्ताव गरिएको छ।   

यस बाहेक सधैं जसोका साधारण एजेण्डा उपर सभाले छलफल गर्ने बताएको छ। सभामा वार्षिक प्रतिवेदन, वासलात, नाफा नोक्सान र लेखापरिक्षक बारे छलफल हुँदैछ। कम्पनीले गत आर्थिक वर्षका लागि कुनै लाभांश प्रस्ताव गरेको छैन। सामाजिक उत्तरदायित्वको रकम पनि पारित हुनेछ।

साधारण सभा र लाभांश प्रयोजनका लागि बैंकले पुस १३ गते एकदिनका लागि बुक क्लोज गर्ने भएको छ। बुक क्लोजभन्दा अघि किन्ने सेयरधनीले मात्र सभामा भाग लिन र प्रस्तावित लाभांश दाबी गर्न सक्नेछन्।