काठमाडौं। बैंक अफ काठमाण्डूले 'बिओके डिवेञ्चर २०८६' ऋणपत्र आजबाट जारी गरेको छ।
बैंकले १ अर्ब १० करोड रुपैयाँ बराबरको ११ लाख कित्ता ऋणपत्र जारी गरेको हो। यसको अंकित मूल्य प्रति कित्ता १००० रुपैयाँ छ। यसमध्ये ६० प्रतिशतले हुन आउने ६६ करोड रुपैयाँ बराबरको ६ लाख ६० हजार कित्ता ऋणपत्र व्यक्तिगत तवरबाट बिक्री गरिने छ।
यस्तै ४० प्रतिशत सामुहिक लगानी कोष सहित सर्वसाधरणका लागि बिक्री गरिने छ। अर्थात् ४४ करोड रुपैयाँ बराबरको ४ लाख ४० हजार कित्ता (५ प्रतिशत अर्थात २२ हजार कित्ता सामुहिक लगानी कोषलाई समेत) सर्वसाधरणमा बिक्री गरिने भएको हो।
सात वर्ष अवधि तथा वार्षिक १०.५० प्रतिशत ब्याजदर भएको ऋणपत्र बैंकले ७ गतेसम्मका लागि निष्कासन गर्ने छ। यो समयसम्म पर्याप्त आवेदन नपरे आवेदन अवधि भदौ १६ गतेसम्मका लागि लम्बिने छ।
ऋणपत्रको निष्कासन तथा बिक्री प्रबन्धकमा एनआइबिएल एस क्यापिटल रहेको छ।