काठमाडौं। लामो समयपछि सुनको मूल्य प्रतितोला ९७ हजार भन्दा तल आइपुगेको  छ। साताको पहिलो दिन सुनको मूल्य एकै दिन तोलामा १३ सय रुपैयाँले घटेको छ। 

आइतबारका लागि कारोबार मूल्य प्रतितोला ९६ हजार ५ सय रुपैयाँ निर्धारण भएको नेपाल सुनचाँदी व्यवसायी महासंघले  जनाएको छ। गत शुक्रवार  सुन तोलामा ८ सय रुपैयाँले घटेर प्रतितोला ९७ हजार ८ सय रुपैयाँमा कारोबार भएको थियो।

चाँदीको मूल्य तोलामा १० रुपैयाँले घटेर प्रतितोला एक हजार २ सय ४० रुपैयाँ कायम भएको छ। शुक्रवार चाँदी तोलामा ५ रुपैयाँ बढेर प्रतितोला एक हजार २ सय ५० रुपैयाँमा कारोबार भएको थियो।

अन्तर्राष्ट्रिय बजारमा सुन प्रतिऔंस १८११.०९ डलरमा कारोबार भएको छ। चाँदीको मूल्य प्रतिऔंस २१.११ डलर छ।