एनएमबि बैंकले साढे ८ प्रतिशतको ऋणपत्र जेठ २ बाट जारी गर्दै, प्रत्येक ६/६ महिनामा ब्याज भुक्तानी

बिजमाण्डू
२०७८ बैशाख २४ गते १५:३२ | May 7, 2021
एनएमबि बैंकले साढे ८ प्रतिशतको ऋणपत्र जेठ २ बाट जारी गर्दै, प्रत्येक ६/६ महिनामा ब्याज भुक्तानी


Tata
GBIME
Nepal Life

काठमाडौं। एनएमबि बैंकले साढे ८ प्रतिशत ब्याज दरको ऋणपत्र जारी गर्ने भएको छ। बैंकले जेठ २ गतेबाट ऋणपत्र जारी गर्न लागेको हो।

ऋणपत्रमा छिटोमा ५ गते र पर्याप्त आवेदन नपरेमा १६ गतेतसम्म आवेदन दिन सकिने छ। अंकित मूल्य एक हजार रुपैयाँ दरको ऋणपत्रका लागि कम्तिमा २५ कित्ताका लागि आवेदन दिनु पर्ने हुन्छ। 

बैंकले १० बर्ष अवधिको ऋणपत्र जारीगर्न लागेको हो। बैंकले प्रत्येक ६/६ महिनामा ब्याज भुक्तानी गर्ने छ। साँवा ऋणपत्र परिपक्व भएपछि भुक्तानी हुने छ।

बैंकले कुल २ अर्ब रुपैयाँ बराबरको ऋणपत्र जारीगर्न लागेको हो। यसमध्ये एक अर्ब २० करोड रुपैयाँको ऋणपत्र 'प्राइभेट प्लेसमेन्ट' बाट बिक्री गर्न छ।

बाँकी ८० करोडको ऋणपत्रमध्ये ४ करोडको सामूहिक लगानी कोषहरुलाई छुट्याएको छ। बाँकी ऋणपत्र मात्र सर्वसाधारणले खरिद गर्न पाउने छन्।