काठमाडौं। सिटिजन्स बैंक इन्टरनेशनल १५औं वर्षमा प्रवेश गरेको छ। डेढ दशकको अवधिमा बैंकले ठूलो छलाङ मारेको छ। स्थापना भएको वर्ष १ अर्ब ५५ करोड निक्षेप संकलन गरेको बैंकले २०७७/०७८को चैत सम्म १ खर्ब २९ अर्ब रुपैयाँ पुगेको छ।

१४ वर्ष अघि कर्जा २ अर्ब ४ करोड रुपैयाँ रहेकोमा  अहिले १ खर्ब १४ अर्ब रुपैयाँ पुगेको छ। बैंकको चुक्ता पुँजी ११ अर्ब ६६ करोड रुपैयाँ पुगेको छ। १४ वर्ष अघि ५६ करोड रुपैयाँ चुक्ता पुँजीबाट बैंक स्थापना भएको थियो।बैंकको नाफा पछिल्ला ५ वर्ष निरन्तर १ अर्ब भन्दा माथि रहँदै आएको छ।

गत आर्थिक वर्षमा मात्र एक अर्ब १९ करोड रुपैयाँ खुद नाफा गरेको बैंकले चालु आर्थिक वर्षको तेस्रो त्रैमाससम्ममा करिब १ अर्ब ५४ करोड रुपैयाँ नाफा गरेको छ। स्थापनाको पहिलो वर्ष ९ वटा शाखा रहेको बैंकले सातै प्रदेशमा १६७ वटा शाखामार्फत १० लाख ग्राहकलाई सेवा दिएको छ। बैंक संचालन हुँदा ४४ जना कर्मचारी रहेकोमा अहिले १ हजार ६ सय पुगेका छन्।