काठमाडौं । सुनको भाउ तोलामा ७ सय रुपैयाँले घटेको छ। बुधबारका लागि सुनको बजार मूल्य प्रतितोला ९२ हजार १ सय रुपैयाँ निर्धारण भएको नेपाल सुन चाँदी व्यवसायी महासंघले जनाएको छ।
मंगलबार तोलामा ४ सय रुपैयाँले बढेर प्रतितोला ९२ हजार ८ सय रुपैयाँमा कारोबार भएको थियो । अन्तर्राष्ट्रिय बजारमा सुनको मूल्यमा उतारचढाव हुँदा यसको असर स्थानीय बजारमा देखिने गरेको छ।
चाँदीको मूल्यमा पनि सामान्य गिरावट भएको छ । चाँदी तोलामा ५ रुपैयाँले घटेर प्रतितोला एक हजार २ सय ५० रुपैयाँ भएको छ।
केही दिन देखि स्थिर हुँदै आएको मूल्य सोमबार तोलामा ५ रुपैयाँले घटेर प्रतितोला एक हजार २ सय ५५ रुपैयाँमा कारोबार भएको थियो।
अन्तर्राष्ट्रिय बजारमा बुधबार बिहान सुन प्रतिऔंस १८४६. ९३ डलर र चाँदी २५ .३५ डलरमा कारोबार भएको छ।
अन्तराष्ट्रिय बजारमा सुनको माग घट्दै गएकोले यसको मूल्यमा गिरावट आएको अन्तराष्ट्रिय संचार माध्यले जनाएका छन् ।