काठमाडौं। साउन दोस्रो साताबाट वाणिज्य बैंकहरुको ऋण लगानीमा सुधार देखिन थालेको छ। लकडाउनयता निरन्तर घटेको ऋण अहिले केही बढ्न थालेको हो।

बैंकर्स संघका अनुसार, एक सातामा ऋण लगानी ५ अर्ब रुपैयाँले बढेको छ। यो साउन २३ गतेसम्मको तथ्यांक हो। बैंकसँग कुल ऋण लगानी २८ खर्ब ७१ अर्ब रुपैयाँ पुगेको छ।

निक्षेप भने घटेको छ। जबकी यसअघि निरन्तर निक्षेप बढ्ने गरेको थियो। निक्षेप ११ अर्ब रुपैयाँले घटेको छ। अहिले बैंकसँग कुल ३४ खर्ब ७६ अर्ब रुपैयाँ निक्षेप छ। 

बैंकरका अनुसार, पछिल्लो समय ऋणको माग केही बढेको छ। ब्याज दर घटेका कारण परिपक्व भएको निक्षेप सर्वसाधारणले झिक्न थालेका छन्। फेरि लकडाउन हुने हल्ला चलेका कारण पनि पैसा घरैमा राख्ने बढेका छन्। जसले गर्दा निक्षेपमा गिरावट आएको बैंकरको बुझाइ छ।

रकम रु. अर्बमा