काठमाडौं। पुस मसान्तसम्म वाणिज्य बैंकहरूको निक्षेप ३० खर्ब ७५ अर्ब ३२ करोड पुगेको छ। चालु आर्थिक वर्षमा मात्रै बैंकहरूको निक्षेप १ खर्ब ८४ अर्ब २३ करोड रूपैयाँले बढेको छ। असोजदेखि पुससम्म आउँदा निक्षेप ८८ अर्ब ७८ करोडले वृद्धि भएको छ।

ऋण लगानी २७ खर्ब ३५ अर्ब रूपैयाँ पुगेको छ। चालु वर्ष ऋण २ खर्ब ३५ अर्ब ३ करोड रूपैयाँले बढेको छ। असोजदेखि पुससम्म आउँदा ऋण १ खर्ब २ अर्ब १० करोड रूपैयाँले बढेको छ।

असोजदेखि पुससम्म आउँदा हिमालयन बैंकको ऋण थोरै घटेको छ। तर बाँकी जम्मै बैंकले बढाएका छन्। सबैभन्दा बढि सिद्धार्थ बैंकले बढाएको छ। दुई त्रैमासमा गरेर बैंकले १४ अर्ब ४४ करोड बढाएको छ भने दोस्रो त्रैमासमा मात्रै ९ अर्ब ९७ करोड रूपैयाँले बढाएको छ। 

निक्षेप (रु अर्बमा)

दुई त्रैमासमा ऋण बढाउनेमा एभरेष्ट, नेपाल बैंक, लक्ष्मी बैंक, सानिमा बैंक छन्। निक्षेपमा सुधार गर्ने एभरेष्ट, सिद्धार्थ, राष्ट्रिय वाणिज्य बैंक र माछापुच्छ्रे बैंक छन्। पाँचवटा बैंकको निक्षेप दोस्रो त्रैमासमा घटेको छ।

ऋण (रु अर्बमा)