काठमाडौं। अनलाइन सपिङ तथा उपहारको बहानामा करौडौं रूपैयाँ ठगी गरेको खुलेको छ।
विभिन्न अनलाइन सपिङ र अन्य माध्यमबाट रकम ठगी गर्ने समूहलाई प्रहरीले नियन्त्रणमा लिएको छ। महानगरीय अपराध अनुसन्धान महाशाखाको टोलीले केही दिनदेखि चलाएको अप्रेसनमा उनीहरूलाई नियन्त्रणमा लिन सफल भएको हो।
'अनलाइन सपिङ लगायतमा ठगी भएको देखिएको छ। हामीले केही मानिस नियन्त्रणमा लिइसकेका छौं,' महाशाखा प्रमुख एसएसी सहकुल थापाले भने।
तीन जनालाई नियन्त्रणमा लिए पनि २३ जना एजेन्टको सूची तयार पारी खोजी गरिरहेको छ। उनीहरूको खातामा १७ करोड रूपैयाँ भन्दा बढीको कारोबार भएको भेटिएको छ। कारोबारको रकम बैंक खातामा भने भेटिएको छैन। पैसा बाहिर देशमा पठाइसकेको प्रहरीको अनुसन्धानमा खुलेको छ।
