काठमाडौं। शेयरधनीलाई सञ्चालक समितिको २५ प्रतिशत लाभांस दिने प्रस्तावलाई नेपाल राष्ट्र बैंकले स्वीकृति दिएपछि एभरेष्ट बैंकले वार्षिक साधारणसभाको मिति टुंगो गरेको छ । बैंकले आगामी पुस २३ गते २५ औं वार्षिक साधारणसभा बोलाएको हो। 

सञ्चालक समिति बैठकले यसअघि गत आर्थिक वर्षको नाफाबाट ५ प्रतिशतका दरले बोनस शेयर र २० प्रतिशतका दरले नगद लाभांस घोषणा गरेको थियो। उक्त लाभांस सधारणसभाबाट पारित भएपछि शेयरधनीहरूले प्राप्त गर्न सक्ने छन्। 

बैंकको ७ प्रतिशत अग्राधिकार शेयर शेयर पुँजीमा परिवर्तन भए पश्चात पुँजी बृद्धि हुने भएकाले सोही बमोजिम प्रबन्धपत्र र नियमावली संशोधनका लागि साधारणसभामा पेश गर्नेछ।

 साधारणसभा प्रयोजनका लागि बैंकले पुस ४ गतेदेखि २३ गतेसम्म बुक क्लोज गर्नेछ। पुस ३ सम्म कायम शेयरधनीहरूले प्रस्तावित लाभांस प्राप्त गर्न सक्ने छन्। प्रस्तावित बोनस शेयर र नगद लाभांस सिधै डिम्याट खाता र बैंक खातामा जम्मा गरिदिने भएको उक्त खाता नहुने शेयरधनीहरूलाई अनिवार्य खाता खोल्न बैंकले सूचित गरेको छ। 

बैंकले गत वर्षको भन्दा ५ प्रतिशतले लाभांस बढाएको हो। गत वर्ष २० प्रतिशतमात्रै नगद लाभांस दिएकोमा यो वर्ष थप ५ प्रतिशत बोनस शेयर दिएको हो। हाल दोस्रो बजारमा बैंकको शेयर मूल्य ५ सय ५६ रूपैयाँ छ। एक वर्षको अवधिमा अधिकतम ७ सय ७ रूपैयाँ र न्युनतम ५ सय १ रूपैयाँमा खरिद-बिक्री भएको हो।

 बैंकले यसअघि वितरण गरेको लाभांस