(2).jpg)
काठमाडौं। दुई दिने भ्रमणमा आएका चिनियाँ राष्ट्रपतिसँग नेपाली प्रतिनिधि मण्डलको बैठक सकिएलगत्तै १७ वटा समझदारीपत्रमा हस्ताक्षर भएका छन्।
राष्ट्रपति सि जिनपिङ र प्रधानमन्त्री केपी शर्मा ओली प्रतिनिधि मण्डलको छलफलपछि समझदारी बनेको हो।
केरुङ काठमाडौं रेलमार्गको डिपिआर निर्माण, टोखा- छहरे र वेत्रावति- स्याफ्रुबेसी सुरुङमार्ग, अरनिको सडक स्तरोन्नती र विश्वविद्यालयलगायतका बिषयमा समझदारी भएको छ।
सी र ओलीको उपस्थितिमा दुई देशका प्रतिनिधिहरुले समझदारीपत्र आदनप्रदान गरेका छन्।
यसैगरी नेपाल र चीनका दुई/दुई शहरबीच पनि भगीनी सम्बन्ध स्थापनाका लागि समझदारी भएको छ। काठमाडौं महानगर र नान्सी तथा बुटवल उपमहानगर र सियानबीच भगिनी सम्बन्ध स्थापनाका लागि समझदारी भएको हो।
