काठमाडौं। जनता बैंकले गुणस्तरीय शिक्षा सम्वन्धि दोस्रो अन्तर्राष्ट्रिय सम्मेलनका लागि दुई लाख रुपैयाँ सहयोग दिएको छ।
रातो बंगला फाउण्डेशनले शिक्षा, विज्ञान तथा प्रविधि मन्त्रालयसँगको सहकार्यमा भदौं ७ देखि ९ गतेसम्म यो सम्मेलन हुँदैछ।बैंकका नायब प्रमुख कार्यकारी अधिकृत सुजितकुमार शाक्यले फाउण्डेसनका कार्यक्रम अधिकृत स्मृति पोखरेललाई हस्तान्तरण गरे।
बैंकले शिक्षा र स्वास्थ्यलाई प्राथमिकतामा राखि सामाजिक उत्तरदायित्वका कार्यहरु गर्दै आइरहेको छ। बैंकले शैक्षिक गुणस्तर विकासको लागि सामुदायिक विद्यालयका जेहन्दार विद्यार्थीहरुलाई विभिन्न छात्रवृति दिँदै आएको छ।