दर्जन कम्पनीका शेयरको मूल्य अंकित दरभन्दा तल झर्यो, दोस्रो बजारमा नयाँ लगानीकर्ता पस्ने अवसर

काठमाडौँ। लगातार शेयर बजार घट्ने क्रम नरोकिँदा दोस्रो बजारमा शेयरको मूल्य आधार मूल्य भन्दा कममा कारोबार हुन थालेका छन्। गत बिहीबार कारोबारमा आएका १६४ कम्पनीमध्ये ११ कम्पनीको शेयर मूल्य आधार मूल्यभन्दा कममा कारोबार भएको छ।

आठ जलविद्युत कम्पनीको शेयर मूल्य प्रतिकित्ता एक सय रुपैयाँ भन्दा तल झरेको छ।दुई विकास बैंक र एक फाइनान्स कम्पनीको शेयर मूल्य पनि आधार मूल्य भन्दा कममा कारोबार भए।

गत बिहीबार कारोबारमा आएका १६४ कम्पनीमा ५३ कम्पनीको मूल्य प्रति कित्ता दुई सय रुपैयाँ भन्दा तल ओर्लिएको छ।जसमा वाणिज्य बैंक, विकास बैंक, फाइनान्स र जलविद्युत कम्पनी रहेको छन्।

दोस्रो बजारमा सूचीकृत २४ जलविद्युत कम्पनीमध्ये सबैभन्दाबढी १८ कम्पनीको शेयर मूल्य प्रति कित्ता दुई सय रुपैयाँभन्दा तल झरेको छ। विकास बैंक, फाइनान्स र वाणिज्य बैंकको शेयर मूल्य क्रमशः दुई सय रुपैयाँभन्दा तल ओर्लिएका छन्।

गत बिहीबारको कारोबारमा आधार मूल्य एक सय रुपैयाँ रहेका कम्पनीको सूचीमा सबैभन्दाकम मूल्यमा नेशनल हाईड्रोपावर कम्पनीको प्रतिकित्ता ६७ रुपैयाँमा शेयर कारोबार भयो। आँखुखोला हाईड्रोपावरको गत बिहीबार ८७ रुपैयाँ प्रतिकित्तामा शेयर कारोबार भयो।

आधार मूल्य भन्दा तल झरेका शेयरसँगै राम्रा कम्पनीका शेयर समेत सस्तोमा पाइने हुँदा यतिबेला दोस्रो बजार प्रवेश गर्ने लगानीकर्ताको लागि अवसर रहेको एक शेयर बजार जानकारले बताए।

प्राथमिक बजारकै मूल्य आउँदा समेत केही नाफा लिन सकिने भएकोले पनि नवप्रवेशी लगानीकर्ताको लागि उचित अवसर रहेको छ।    
 

<td nowrap="nowrap" style="border-bottom:solid windowtext 1.0pt; border-left:none; border-right:solid windowtext 1.0pt; border-top:n

© Copyright 2012 Bizmandu Pvt. Ltd. All Rights Reserved.

• 015325191015327242
• [email protected]
• https://fb.com/bizmandu
• https://twitter.com/bizmandu