सिभिल बैंकको साढे १७ लाख संस्थापक शेयर कर्मचारी सञ्चयकोषले किन्यो, दोस्रो बजारमा बिक्री चाप





काठमाडौं। सिभिल बैंकको संस्थापक शेयर आधार मूल्यमै कारोबार भएको छ। बैंकले संस्थापक शेयरधनी सिर्जना शाक्यको शेयर बिक्रीको लागि बोलकबोल आह्वान गरेको थियो। बोलकबोलको क्रमममा शाक्यको शेयर कर्मचारी सञ्चयकोषले आधार मूल्यमै पाएको हो।

शाक्यले आफ्नो नामको १७ लाख ५३ हजार ५९४ कित्ता शेयर कर्मचारी सञ्चयकोषलाई बिक्री गरेकी हुन्। बोलकबोल प्रक्रिया यस अगाडी नै सम्पन्न भएर बुधबार दोस्रो बजारमा कारोबारका लागि लगिएको हो।

बुधबार शेयर बजार १.१२ अंकले घटेर १२४९.१५ अंकमा रोकिएको छ। आजसम्म शेयर बिक्री गर्नेले कर र राजस्वका लागि पैसा जोहो गर्न सक्ने भएकाले दोस्रो बजारमा बिक्री चाप बढेको हो। पछिल्लो दिन लगानीकर्ताले पैसा जोहो गर्ने क्रममा शेयर बिक्री गरिरहेका छन्।

Sipradee
LOTSE

बिहीबारदेखि राजस्व र करको लागि पैसा जोहो गर्ने दवाव कम हुने छ। साथै नेपाल राष्ट्र बैंकको मौद्रिक नीतिको अन्योलताले पनि शेयर बजारलाई प्रभावित पारिरहेको छ।

बुधबार कारोबार सुरु भएको केही समयदेखि बजार लगातार ओरालो झरेको थियो। अन्तिम समयमा केहि सुधार हुने संकेत देखिए पनि बजार १.१२ अंकको गिरावट सँगै रोकिएको छ।

बाणिज्य बैंक, जीवन बीमा कम्पनी र माइक्रोफाइनान्सको सूचक केही सुधार भएपनि बाँकी सूचक ओरालो झरेका छन्। सिभिल बैंकको १७ करोड सहित जम्मा ५७ करोड ३४ लाख रुपैयाँको कारोबार भएको छ। दोस्रोमा नागरिक लगानीकोषको ४ करोड ११ लाख रुपैयाँको कारोबार भएको छ।

दोस्रो बजारमा सूचीकृत भएको तेस्रो दिन पनि इन्फिनिटीको बजार मूल्य सबैभन्दा धेरै बढ्ने क्रममा सर्किट लागेको छ। सबैभन्दा धेरै गुमाउनेमा सिभिल लघुवित्त रहेको छ। लघुवित्तको घट्ने क्रममा सर्किट लागेको छ।

 


Share this Story

   

सिभिल बैंकको साढे १७ लाख संस्थापक शेयर कर्मचारी सञ्चयकोषले किन्यो, दोस्रो बजारमा बिक्री चाप को लागी १ प्रतिक्रिया(हरु)

Udaya[ 2019-07-11 07:33:23 ]
CIVIL SAVING AND COOPERATIVE ma aeko samasya samadhan garna Ichhya Raj Tamang le patni ko nau ko share becheko ho.sahakari ma badmasi nahune haina.sambandhit nikayale corrective wa dandatmak karbahi garnu parchha tara gopya rupma.samasya bhaeko tara samadhan garna sakne kunai pani bittiya sanstha ko news media harule prakashan garidie bhane bachat firta lina aune ko line lagera junsukai bittiya sanstha pani collapse huna sakchha.CIVIL SAVING pani media kai karan dubne awastha ma pugeko ho.

   हालसम्म १७ जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.