काठमाडौं। नेपाल राष्ट्र बैंकले १० वटा बाणिज्य बैंकहरुलाई सहयक कम्पनीको रुपमा ब्रोकरको काम गर्ने गरी अनुमति प्रदान गरेको छ। १९ वटा बैंकहरुले निवेदन दिएकोमा सिभिल बैंकको प्रकृयामा छ भने ८ वटाले निवेदन दिएर बसेका छन्।
राष्ट्र बैंकबाट अनुमति लिएर सानिमा बैंक, एनआइसी एशिया, प्रभु बैंक र सिटिजन बैंकले सहायक स्थापना गरेर नेप्सेमा नवेदन दिइसेका छन्। बाँकी बैंकहरु सहायक कम्पनी खोल्ने तरखरमा छन्।
नेपाल राष्ट्र बैंकले चालु आर्थिक वर्षको मौद्रिक नीतिमा बैंकलाई ब्रोकर लाइसेन्स दिने व्यवस्था गरेको थियो। आगामी आर्थिक वर्षको मौद्रिक नीतिको तयारी गरिरहेको राष्ट्र बैंकले चालु आर्थिक वर्षको उपलब्धिका रुपमा १९ वटा बाणिज्य बैंकहले ब्रोकर लाइसेन्सका लागि प्रकृया अगाडि बढाएको जनाएको छ।
राष्ट्र बैंकले ब्रोकर लाइसेन्सको लागि धमाधम अनुमति दिए पनि नेपाल स्टक एक्सचेन्जले बैंकलाई कसरी ब्रोकर लाइसेन्स प्रदान गर्ने विषयमा अझै कार्यविधि तयार पार्न सकेको छैन। ब्रोकर लाइसेन्सका लागि नेप्सले धितोपत्र बोर्डमा सिफारिस गर्नु पर्छ। यसका लागि दुबै निकाय उत्तीकै जिम्मेवार हुन्छन्।
हाल ५० वटा ब्रोकरले मात्रै दोस्रो बजारमा शेयर खरिद बिक्रीको काम गर्दै आएका छन्। दोस्रो बजार उपत्यका भन्दा बाहिर जान नसकेको भन्दै लगानीकर्ताहरुले बैंकलाई ब्रोकर लाइसेन्स लिनु पर्ने माग राख्दै आएका थिए।
लगानीकर्ताको माग संवोधन गर्दै शेयर बजार मैत्री गभर्नर डा. चिरञ्जीवी नेपालले चालु आर्थिक वर्षको मौद्रिक नीतिमै बाणिज्य बैंकले सहायक कम्पनी स्थापना गरि ब्रोकरको काम गर्न पाउने व्यवस्था गरिदिएका थिए।
क्र.स.. |
बाणिज्य बैंकको नाम |
अवस्था |
1 |
नविल बैंक |
2076.01.04 |
2 |
कृषि विकास बैंक |
2076.01.08 |
3 |
हिमालयन बैंक |
2075.11.12 |
4 |
नेपाल बंगलादेश बैंक |
2075.11.01 |
5 |
माछापुच्छ्रे बैंक |
2075.11.06 |
6 |
लक्ष्मी बैंक |
2075.11.12 |
7 |
सिटिजन बैंक |
2075.10.24 |
8 |
सनराइज बैंक |
2075.11.01 |
9 |
सिभिल बैंक |
On Process |
10 |
नेपाल इन्भेष्टमेन्ट बैंक |
Approval Given |
11 |
बैंक अफ काठमाडौं |
Approval Given |
12 |
एनआइसी एशिया बैंक |
Approval Given |
13 |
कुमारी बैंक |
Approval Given |
14 |
सिद्धार्थ बैंक |
Approval Given |
15 |
ग्लोबल आइएमइ बैंक |
Approval Given |
16 |
जनता बैंक |
Approval Given |
17 |
मेगा बैंक |
Approval Given |
18 |
सेञ्चुरी बैंक |
Approval Given |
19 |
सानिमा बैंक |
Approval Given |