विच्याट र अलिपे भुक्तानीप्रदायकको काम गर्ने स्वीकृति माग्दै राष्ट्र बैंक पुगे, कागजात मागियो




काठमाडौं। चीनका दुई भुक्तानीप्रदायक कम्पनी अलिपे र विच्याटले नेपालमा पनि कारोबार गर्न खोजेका छन्। दुबै कम्पनीले नेपालमा सेवा सञ्चालनका लागि नेपाल राष्ट्र  बैंकसँग स्वीकृतिका लागि निवेदन दिएका छन्।

नेपालमा बैधानिक कारोबारका लागि स्वीकृति नपाउँदै आफ्नो सेवा सुरु गरेको भन्दै राष्ट्र बैंकले अबैधानिक रुपमा 'विच्याट', 'अलीपे' लगायतबाट भइरहेको भुक्तानीलाई पूर्णतया प्रतिबन्ध लगाइसकेको छ। 

Tata
Swostik Collage

पछिल्लो समय पर्यटक तथा नेपालीहरुले नै विच्याट, अलिपेबाट भुक्तानी गर्ने क्रम बढेको थियो। बैंक तथा वित्तीय संस्था, स्वीकृति प्राप्त पेमेन्ट गेटवे हुँदा हुँदै यसरी भूक्तानी भएर विदेशी मुद्राको आय र सञ्चितिमाथि नै धावा बोल्न थालेपछि राष्ट्र बैंकले प्रतिबन्ध लगाउने निर्णय गरेको थियो।

'विच्याट र अलिपे नेपालका केही बैंकसँग मेलेर काम गर्न खोजिरहेका छन्' राष्ट्र बैंक स्रोतले भन्यो, 'उनीहरु बैधानिक रुपमा कारोबार गर्न खोजेको देनिन्छ।'

स्वीकृति नलिइ कारोबार गर्दा विदेशी विनिमय अपचलनको मुद्दा लाग्ने भएकाले पनि उनीहरु बैधानिक हुन खोजेका हुन्। 'अलिपे र विच्याट दुबै कारोबार सञ्चालनको स्वीकृति माग्दै हामीकहाँ आएका छन्। हामीले उनीहरुसँग अन्य आवश्यक कागजपत्र मागिरहेका छौं' राष्ट्र बैंकका प्रवक्ता लक्ष्मीप्रपन्न निरौलाले बिजमाण्डूसँग भने, 'कागजपत्र अध्ययनपछि उनीहरुलाई स्वीकृति दिने कि नदिने भन्ने निष्कर्षमा पुग्छौं।'


Share this Story

   

विच्याट र अलिपे भुक्तानीप्रदायकको काम गर्ने स्वीकृति माग्दै राष्ट्र बैंक पुगे, कागजात मागियो को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.