समयमा काम पूरा नगर्ने आठ निर्माण कम्पनी कारबाहीमा: ठेक्का रकम फिर्ता लिइयो




  फाइल फोटो

लहान। ठेक्का अवधिमा निर्माण कार्य पुरा नगरेको भन्दै सडक डिभिजन कार्यालय सिराहाले आठ ठेकदारलाई कारबाही गरेको छ।

Sunrise Bank
Sipradee

सडक डिभिजन कार्यालय लहानका अनुसार सिराहासहित सप्तरी र उदयपुरमा निर्माणाधीन सडक तथा पुल निर्माणको सम्झौताअनुसारको समयमा काम नगरेपछि ती ठेकदारलाई कारबाही गरिएको हो।

सम्झौताबमोजिम ठेक्काको काम शुरु नै नगरेको, काम शुरु भए पनि सन्तोषजनक प्रगति नदेखिएपछि पटकपटक मौखिक पत्र तथा सूचनामार्फत जानकारी गराउँदापनि निर्माण कार्यमा आलटाल गरेपछि कारबाही गरिएको सडक डिभिजन कार्यालय लहानका प्रमुख वीरेन्द्रकुमार साहले बताए।

सप्तरीको गिदेरी खोला पुल र महुली घाडन खोला पुलको ठेक्का लिएको पप्पु मृत सञ्जिवनी जेभी काठमाडौँमाथि कारबाही गरी दुवै ठेक्काबाट दुई करोड १८ लाख ७० रकम फिर्ता गराइएको । त्यस्तै सप्तरीको मुतनी खोला र सिरहाको सरस्वती खोलामा पुल निर्माणको ठेक्का लिएको रोशन कन्स्ट्रक्सन जनकपुरमाथि कारबाही गरी ५९ लाख ७० हजार फिर्ता गराइएको छ।

सप्तरीकै सुमन्दरी खोलामा पुल निर्माणको ठेक्का लिएको नीलगिरी निर्माण सेवा प्रालि बानेश्वर काठमाडौंसँग ४७ लाख ५० हजार रकम फिर्ता गराएको कार्यालय प्रमुख साहले बताए। त्यस्तै अन्य तीन ठेक्काका ठेकेदारमाथि समेत कारबाही गरी रकम फिर्ताका लागि बैंकमा पत्र काटिसकिएको छ। कम प्रतिस्पर्धामा ठेक्का लिएर लामो समयसम्म काम शुरु नगर्ने र गुणस्तरहीन काम गर्ने प्रवृत्ति बढेकाले त्यस्ता निर्माण कम्पनीमाथि निगरानी बढाइएको प्रमुख साहको भनाइ छ।


Share this Story

   

समयमा काम पूरा नगर्ने आठ निर्माण कम्पनी कारबाहीमा: ठेक्का रकम फिर्ता लिइयो को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.