प्राइम बैंकले डाक्यो वार्षिक साधारणसभा, १६% बोनस शेयर दिने, ५ नयाँ संचालक चुनिँदै





काठमाडौं। प्राइम बैंकले जेठ २६ गते एघारौं वार्षिक साधारणसभा बोलाएको छ। बैंकले साधारणसभामा यस अगाडि घोषणा गरेको १६ प्रतिशत बोनस शेयरको प्रस्ताव लैजाने भएको छ।

बैंकले संस्थापकतर्फबाट तीनजना र सर्वसाधारणबाट दुई जना संचालकको निर्वाचन, मनोनयन वा नियुक्त गर्ने प्रस्ताव साधारणसभामा पेश गर्दै छ।
TATa
Swostik Collage


बैंकले अन्य बैंक तथा वित्तीय संस्था एक आपसमा गाभ्ने गाभिने सन्दर्भमा आवश्यक प्रक्रियाका लागि सञ्चालक समितिलाई अख्तियारी दिने भएको छ। बैंकले यस अगाडि ओम डेभलपमेन्ट बैंकलाई प्राप्ती गर्ने सहमति गरेर कुरा नमिल्दा मर्जर प्रक्रिया नै भाँडिएको थियो।

बैंकको प्रस्ताव गरेको बोनस शेयर पश्चात चुक्ता पूँजी ९ अर्ब ३१ करोड रुपैयाँ पुग्ने छ। हाल बैंकको चुक्ता पूँजी ८ अर्ब तीन करोड रुपैयाँ छ।

बैंकले एक अर्ब २८ करोड रुपैयाँ बोनस शेयरबाट पूँजी थप्ने भएको हो। वर्तमान अधिकृत पूँजी १० अर्ब रुपैयाँलाई बढाएर २२ अर्ब रुपैयाँ पुर्याउने प्रस्ताव अगाडि सारिएको छ।

बैंकले साधारणसभा प्रयोजनका लागि जेठ ९ गतेदेखि बुक क्लोज गर्ने भएको छ। जेठ ८ गतेसम्म कायम शेयरधनीहरुले बोनस शेयर पाउनुकासाथै साधारणसभामा भाग लिन सक्ने छन्।


 


Share this Story

   

प्राइम बैंकले डाक्यो वार्षिक साधारणसभा, १६% बोनस शेयर दिने, ५ नयाँ संचालक चुनिँदै को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.