सबै नेपालीको बैंक खाता: बचत खातामा बैंकले १०० रुपैयाँ हालिदिने, नयाँ बर्षका दिन पनि बैंक खुल्ने




काठमाडौं। सबै नेपालीको बैंक खाता अभियान बैशाख १ गतेबाट सुरु हुने भएको छ। चालु बर्षको बजेटमा उल्लेख भएको कार्यक्रमलाई कार्यन्वयन गर्न प्रधानमन्त्रीले सबै नेपालीको बैंक खाता योजनाको सुरुवात गर्ने भएका छन्।

यस अभियान सञ्चालनका लागि अर्थमन्त्रालय, राष्ट्र बैंक र बैंक तथा वित्तीय संस्थाहरुले सहकार्य गर्ने भएका छन्। योजनालाई सफल बनाउनका लागि के गर्न सकिन्छ भनेर बुधबार बैंकर्स संघले सदस्यहरुसँग छलफल पनि गरेको छ।
Tata
Swostik Collage


बुधबारको छलफलले सबै बैंकहरुले बैशाख १ गतेबाट खोलिने बचत खातामा आफ्नो तर्फबाट १०० रुपैयाँ राखिदिने निर्णय गरेको छ। यसको ब्याज दर भने बैंक अनुसार फरक हुने छ।

बैशाख १ गते नयाँ बर्षको सार्बजनिक बिदा भएपनि सबै बैंकहरु खुला राख्ने संघले निर्णय गरेको छ। 

'खाता खोल्दा केवाइसी (नो योर कस्टमर) लाई सरलीकरण गरिने छ' संघका अध्यक्ष ज्ञानेन्द्र ढुङ्गानाले बिजमाण्डूसँग भने, 'यसो हुँदा धेरैभन्दा धेरैको खाता खोल्न सकिन्छ भन्ने हाम्रो अपेक्षा हो।'

सरकारले चालु बर्षको बजेटमा सबै नेपालीको बैंक खाता खोल्ने योजना सार्बजनिक गरेको थियो। त्यसअघि नै नेपाल राष्ट्र बैंकले सबै नेपालीको बैंक खाता खोल्ने अभियान चलाउने घोषणा गरेको थियो। 

राष्ट्र बैंकका अनुसार, अहिले बैंक तथा वित्तीय संस्थामा २ करोड ५६ लाख ५८ हजार ३८७ वटा खाता खुलेका छन्। एकै ब्यक्ति तथा संस्थाको दोहोरो/तेहरो पनि खाता खुलेका छन्। 

Share this Story

   

सबै नेपालीको बैंक खाता: बचत खातामा बैंकले १०० रुपैयाँ हालिदिने, नयाँ बर्षका दिन पनि बैंक खुल्ने को लागी १ प्रतिक्रिया(हरु)

भुवन पाठक[ 2019-04-11 07:31:23 ]
काममा ब्यस्त हुँदै तनाब ब्यबस्थापन गर्नु पर्ने हुन्छ बैकर हरुले। छुट्टि भन्या स्कुल पढ्दादा मात्र हुन्छ।

   हालसम्म ८३ जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements



bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.