लगानीकर्ताको बिरोधपछि सेबोन लचिलो, दोस्रो बजारमा ५ लाखमाथिको कारोबारमा मात्रै प्यान अनिवार्य





काठमाडौं। दोस्रो बजारमा लगानी गर्ने लगानीकर्ताले एक पटकमा न्युनतम ५ लाख रुपैयाँ भन्दा माथिको कारोबार गर्नका लागि स्थायी लेखा नम्बर अनिवार्य लिनु पर्ने भएको छ।

नेपाल धितोपत्र बोर्डले ५ लाख रुपैयाँ भन्दा तल कारोबार गर्ने लगानीकर्तालाई भने स्वेच्छिक छाडिदिएको छ।

Tata Nexcon AMT


नेपाल धितोपत्र बोर्डले यस अघि अर्थमन्त्रालयको निर्देशनमा दोस्रो बजारमा कारोबार गर्ने सम्पुर्ण लगानीकर्ताहरुका लागि अनिवार्य स्थायी लेखा नम्बर लिन निर्देशन दिएको थियो।

बोर्डको निर्देशनसँगै लगानीकर्ताले चर्को विरोध गरेपछि नेपाल धितोपत्र बोर्डले ५ लाख रुपैयाँको सिलिङ तोकेर लगानीकर्ताको विरोधलाई मत्तथर पार्न खोजेको छ।

बुधबार राजस्व सचिव लाल शंकर घिमिरेले तीनवटा लगानीकर्ता संघका प्रतिनिधिहरुलाई बोलाएर प्यानको कार्यान्वयका सम्बन्धमा छलफल गरेका थिए।

छलफलमा लगानीकर्ताले तत्काल प्यानलाई कार्यान्वयन नगर्न अनुरोध गरेका थिए। तर बजेटमै भएको व्यवस्था भन्दै मन्त्रालयले अडान लिए पछि लगानीकर्ताले नै न्युनतम सिलिङ तोकेर मात्रै प्यानको कार्यान्वयन गर्न सुझाव दिएका थिए।

लगानीकर्ताले आगामी बैशाख १ गतेदेखि ५ लाख रुपैयाँ भन्दा माथिको कारोबार गर्दा स्थायी लेखा नम्बर अनिवार्य आवश्यक पर्ने बोर्डले जनाएको छ।  

 


Share this Story

   

लगानीकर्ताको बिरोधपछि सेबोन लचिलो, दोस्रो बजारमा ५ लाखमाथिको कारोबारमा मात्रै प्यान अनिवार्य को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.