काठमाडौं। माछापुच्छ्रे बैंकले चालु आर्थिक बर्षको ६ महिनामा ११० प्रतिशतले नाफा बढाएको छ। यो गत बर्षको पुससम्मको तुलनामा बृद्धि भएको नाफा हो।

एनएफआरएस प्रणाली अनुसार बैंकले पुस मसान्तसम्ममा ७८ करोड १३ लाख रुपैयाँ नाफा गरेको छ भने अघिल्लो बर्ष ३७ करोड १६ लाख रुपैयाँ नाफा गरेको थियो। नियामकीय समायोजनपछि नाफा ८० करोड ३६ लाख रुपैयाँ पुगेको देखिन्छ। 

छ महिनाको अवधिमा बैंकले ८५ अर्ब १७ करोड रुपैयाँ निक्षेप संकलन गरि ७४ अर्ब ६५ करोड रुपैयाँ ऋण लगानी गरेको छ। गत बर्षको यहि अवधिमा बैंकले ६५ अर्ब ७९ करोड रुपैयाँ निक्षेप संकलन गरि ६० अर्ब ७ करोड रुपैयाँ ऋण लगानी गरेको थियो। 

खुद व्याज आम्दनी ५३ प्रतिशतले सुधार हुँदा एक अर्ब ६९ करोड रुपैयाँ आर्जन गरेको छ। व्याज आम्दानी ४१ प्रतिशतले बढ्दा व्याज खर्च ३५ प्रतिशतले मात्रै बढेको छ। यसले गर्दा नाफामा सुधार भएको हो। ऋण लगानीमा २४ प्रतिशतले सुधार हुँदा पूँजी कोष अनुपात गत बर्षको भन्दा २.८४ प्रतिशतले विन्दुले घटेको छ। 

खराव कर्जा ०.११ प्रतिशत विन्दुले बढेर ०.४४ प्रतिशत पुगेको छ। प्रति शेयर आम्दानी ७ रुपैयाँले सुधार हुँदा १९ रुपैयाँ पुगेको छ। आधार व्याज दर थप ०.११ प्रतिशत विन्दुले बढेर १०.९९ प्रतिशत पुगेको छ।