प्रानपछि अर्को बंगलादेशी एफएमसिजी नेपालमा जम्दै, पोटाटो क्रयाकरपछि लिच्ची ड्रिंक्स उत्पादन




काठमाडौं। प्रान फुड्सपछि अर्को बंगलादेशी बहुर्राष्ट्रिय कम्पनी सजिव ग्रुप्सले पनि नेपाली बजारमा पाइला जमाउने प्रयास गरिरहेको छ।

तीनवर्ष अघि बंगलादेशबाट दैनिक उपभोग्य वस्तु निर्यात गरेर बजार प्रवर्द्धन शुरु गरेको सजिव फुड्स ग्रुप्सले नेपालमै उत्पादन शुरु गरेको छ।
Tata Nexcon AMT


आफ्ना उत्पादनको बजार बिस्तार गर्दै बजार मागको आधारमा स्थानीयस्तरमै उत्पादन गर्ने रणनीति अन्तर्गत सजिव फुड्स ग्रुपले आउट सोर्सिङ गरेर पोटाटो क्र्याकर (आलुको चिप्स आकारको खाजा) उत्पादन र वितरण गरिरहेको हो।

कम्पनीको नेपाल प्रमुख जहिदुल इस्लामले भने, सानो भूगोल भएपनि यहाँका उपभोक्तामा उपभोग दर उच्च छ, यो विशेषता दैनिक उपभोग्य वस्तुको उत्पादकको लागि निक्कै आकर्षक हो।

सजिव फुड्सले नेपालमा सफ्ट ड्रिंक्स, जुस, चाउचाउ, चकलेटको विविध १४ वटा उत्पादन बिक्री वितरण गरिरहेको छ। योमध्ये झापा बिर्तामोडको श्याम फुडस एण्ड वेभरेजसँग 'पोटाटो क्र्याकर' उत्पादनमा सहकार्य गरिरहेको हो।

स्थानीय स्तरमै उत्पादन गर्ने रणनीति अन्तर्गत यसै वर्षदेखि लिच्ची ड्रिंक्स (लिच्चीको स्वाद भएको पेय) उत्पादन शुरु गर्ने सजिव फुड्सका नेपाल प्रमुख जहिदुल इस्लामले जानकारी दिए।

सन् १९८२ मा बंगलादेशमा स्थापित सजिव फुड्स समूहले बंगलादेशमा दैनिक उपभोग्य वस्तु, खाध्यान्न, आवास, तयारी पोशाक, बीमा, दूरसञ्चार र आम संचार कम्पनी संचालन गरिरहेको छ।

विश्व प्रसिद्ध दैनिक उपभोग्य ब्राण्ड ट्याङ, बोर्नभिटा, ओरियो, सेजान, कोलसन, नोसिलाका लागी बंगलादेशमा उत्पादन गर्दै आएको छ। यो कम्पनीले नेपाल बाहेक भुटान, मलेशिया, सिंगापुर,अष्ट्रेलिया, अमेरिका, मध्य पूर्व र केही दक्षिण अफ्रिकी मुलुकमा समेत निर्यात गर्दै आएको छ।

अर्को बंगलादेशी बहुर्राष्ट्रिय कम्पनी प्रान फुड्सले नेपालमा अदत फुड्स प्रालि, काठमाडौं र हिमाड्री फुड्समार्फत् नेपालमा उत्पादन र वितरण गरिरहेको छ।

Share this Story

   

प्रानपछि अर्को बंगलादेशी एफएमसिजी नेपालमा जम्दै, पोटाटो क्रयाकरपछि लिच्ची ड्रिंक्स उत्पादन को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.