सिटिजन्स बैंकले खोल्यो सातै वटा प्रदेशमा प्रादेशिक कार्यालय, अब यस्ता काम हुन्छन् प्रदेशबाट




काठमाडौं। सिटिजन्स बैंक इन्टरनेसनल लिमिटेडले प्रदेश नं ३ को प्रादेशिक कार्यालय काठमाडौँको डिल्लीबजारस्थित आफ्नै भवनमा सञ्चालनमा ल्याएको छ।

कार्यालयको उद्घाटन बैंकका अध्यक्ष डा. शंकरप्रसाद शर्माले ताम्रपत्र अनावरण गरी गरेका छन्। प्रदेश नं ३ अन्तर्गत बैंकका ३४ वटा शाखाहरु (काठमाडौँ उपत्यका भित्र २६ र उपत्यका बाहिर ८ वटा) छन्। कार्यालयले यी शाखाहरुसँगको समन्वय, निगरानी, संस्थागत सुशासन, जोखिम व्यवस्थापन एवम गुनासो सुनुवाई जस्ता कार्यहरू प्रादेशिक कार्यालयबाट गर्ने छ। 
Sipradee


प्रदेश नं ३ मा रहेका १४ जिल्लामध्ये ९ वटा जिल्लामा बैंकको पहुँच रहेको छ। यस प्रदेशमा बैंकले करिव २ लाख ६० हजार ग्राहकलाई बैंकिङ सेवा दिँदै आएको छ। प्रदेश न ३ मा बैंकले करिव ५७ अर्व निक्षेप परिचालन गरी ४५ अर्व कर्जा प्रवाह गरेको छ।

यसअघि बैंकले प्रदेश नं १ को बिराटनगरमा, प्रदेश नं २ को बीरगंजको आदर्शनगरमा, प्रदेश नं ४ को पोखराको सिमलचौरमा, प्रदेश नं ५ को नेपालगंजमा र प्रदेश नं ६ कोसुर्खेतमा, प्रदेश नं ७ को धनगढीमा कार्यालय स्थापना गरिसकेको छ। नियमनकारी निकायको निर्देशनअनुसार सबै प्रदेशमा कार्यालय खोलेको बैंकले जनाएको छ। 

Share this Story

   

सिटिजन्स बैंकले खोल्यो सातै वटा प्रदेशमा प्रादेशिक कार्यालय, अब यस्ता काम हुन्छन् प्रदेशबाट को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.