काठमाडौं। आइएमइ ग्रुपअन्तर्गत सञ्चालित आइएमइ मोटर्स प्रालिले प्रबर्द्धन गरेको अशोक लेलैन्डको शाखा पोखराको चउथेमा सञ्चालनमा आएको छ। यहाँबाट अशोक लेलैण्ड गाडीका लागि सेल्स, सर्भिस र स्पेयर्स पार्टस्हरु उपलब्ध हुने छ।
थ्रि—एस (सेल्स,सर्भिस र स्पेयर्स) सेटअपको उद्घाटन आइएमई ग्रुपका प्रबन्ध निर्देशक हेमराज ढकाल र पोखरा उद्योग वाणिज्य संघका अध्यक्ष दामु अधिकारीले संयुक्त रुपमा गरेका छन्।
उद्घाटनमा प्रबन्ध निर्देशक ढकालले अशोक लेलैण्डमा गरेको लगानीले भविष्यमा राम्रो प्रतिफल दिने र एउटा भरपर्दो ब्राण्ड भएकोले यसमा लगानी गरेको जानकारी दिए। उनले बिक्री पछिको सेवाको लागि जस्तोसुकै परिस्थितिमा पनि ग्राहकको साथमा रहने प्रतिबद्घता जनाए।