काठमाडौं। संसदको अर्थ समितिले बहुवर्षीय ठेक्का लागेका कार्यक्रमको विवरण पेश गर्न सम्पूर्ण मन्त्रालयहरूलाई निर्देशन दिएको छ। समितिले बहुवर्षीय ठेक्का लागेका त्यस्ता आयोजनाको हालको अवस्था र आयोजना प्रमुखको विवरणसमेत बुझाउन ७ दिनको समय तोकेको छ।

बैठकको सुरुमै समिति सभापति कृष्णप्रसाद दाहालले बहुवर्षीय ठेक्कामा स्रोत सुनिश्चित भए/नभएको विवरण पेश गर्न पनि निर्देशन दिए।बैठकमा सांसदहरूले भइरहेको रकमान्तरको विवरण पनि माग गरेका छन्।

नेकपाका महासचिव विष्णुप्रसाद पौडेलले प्रदेश र स्थानीय तहमा पठाइएका आयोजनामा पर्याप्त स्रोत नभएको भन्दै संविधानमा भएको व्यवस्था अनुकुल हुने गरि कार्यान्वयन गराउनुपर्ने बताए।