संसदीय समितिले सरकारलार्इ भन्याेः बजार अनुगमनलाई प्रभावकारी बनाउनु पर्‍याे




काठमाडौं। संसदीय समितिले बजार अनुगमनको कामलाई प्रभावकारी बनाउन सरकारलाई पुनः सचेत गराएको छ।

प्रतिनिधिसभा अन्तरगतको उद्योग तथा वाणिज्य र श्रम तथा उपभोक्ता हित समितिले दशैँलगायतका चाडपर्वका बेला जनतालाई मारमा पार्ने गरी चिनीलगायतका दैनिक उपभोग्य वस्तुको बिक्री वितरण भइरहेको उल्लेख गर्दै बजार अनुगमनको कामलाई प्रभावकारी बनाउन सरकारलाई पुनः सचेत गराएको हो।


बिहीबार सिंहदरबारमा बसेको समितिको बैठकमा चिनीको मूल्य प्रतिकेजी सय रुपैयाँमा बिक्री वितरण हुँदा पनि सरकारले त्यसलाई नियन्त्रण गर्न नसकेको भन्दै समितिका सदस्यहरुले आक्रोश व्यक्त गरेका थिए। 

बजार अनुगमनको कामलाई प्रभावकारी बनाएर चिनीलगायतका दैनिक उपभोग्य वस्तु सहज रुपमा उपलब्ध गराउन सरकारलाई पुनः निर्देशन दिनु परेको समितिका सभापति विमलप्रसाद श्रीवाास्तवले जानकारी दिए। समितिले चिनी उद्योग र त्यसको सम्पूर्ण गतिविधिसमेतको विवरण समितिमा पेश गर्न पनि उद्योग, वाणिज्य तथा आपूर्ति मन्त्रालयलाई निर्देशन दिएको छ।

बैठकमा उद्योग, वाणिज्य तथा आपूर्ति मन्त्रालयका सचिव चन्द्रकुमार घिमिरेले सीमित स्रोत, साधनका कारण सबै ठाउँमा बजार अनुगमनको कामलाई प्रभावकारी बनाउन नसकिएको स्पष्टिकरण दिए। उनले आफू स्वयम् उपभोक्ता भएकाले बजारमा बढेको मूल्यले पीडा दिएको उल्लेख गर्दै त्यसलाई नियन्त्रण गर्न सक्दो पहल गरिएको दावी गरे।

सचिव घिमिरेले ठूला बजार अनुगमनको कामलाई भने सरकारले प्रभावकारी ढंगले अघि बढाएको दावी पनि गरे। बैठकमा समितिका सदस्यहरुले उखु किसानको बक्यौता रकम चिनी मिलबाट उपलब्ध गराउन नसकेको भन्दै सरकारको चर्काे आलोचना पनि गरेका थिए।

Share this Story

   

संसदीय समितिले सरकारलार्इ भन्याेः बजार अनुगमनलाई प्रभावकारी बनाउनु पर्‍याे को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.