सिटिजन्स बैंकको खल्तिसँग सहकार्य, बैंकका ग्राहकले खल्तिमा पैसा लोड गरेर कारोबार गर्न सक्ने




काठमाडौं। सिटिजन्स बैंक इन्टरनेसनल र खल्ती डिजिटल वालेटबिच मोबाईल भुक्तानीमा सहकार्य गर्न सम्झौता भएको छ। सम्झौतापत्रमा बैंकका प्रमुख संचालन अधिकृत पारसकुमार काफ्ले र खल्तीका निर्देशक अमित अग्रवालले हस्ताक्षर गरेका छन्।

कार्यक्रममा बैंकका डेपुटी सिइओ गणेशराज पोख्रेल र खल्तीका अर्का निर्देशक ध्रुब अधिकारी उपस्थित थिए। 


सम्झौतापछि सिटिजन्सका ग्राहकहरुले बैंकको मोबाईल बैंकिङ तथा इन्टरनेट बैंकिङ सेवा प्रयोग गरी ‘खल्ती’मा सजिलै पैसा लोड गर्न सक्ने छन्। त्यसरी लोड गरेपछि विभिन्न वस्तु तथा सेवाहरुको भुक्तानी गर्न सक्ने छन्।

सम्झौताको बारेमा बोल्दै बैंकका काफ्लेले सहकार्यपछि ग्राहकहरुले खल्ती प्रयोग गरेर सहजता पूर्वक दैनिक भुक्तानी सेवा प्राप्त गर्न सक्ने बताए। 

बैंकका डेपुटी सीइओ पोख्रेलले आफू डिजिटल प्रविधिमैत्री  रहेको र मोबाईलबाटै फिल्मको टिकट काट्ने र अन्य दैनिक भुक्तानीहरु पनि मोबाईल एपमार्फत नै गर्ने गरेको बताए। 

Share this Story

   

सिटिजन्स बैंकको खल्तिसँग सहकार्य, बैंकका ग्राहकले खल्तिमा पैसा लोड गरेर कारोबार गर्न सक्ने को लागी १ प्रतिक्रिया(हरु)

Himal Ghimire[ 2018-10-11 06:27:03 ]
लु, बधाई छ 'सिटिजन्स बैंक' र 'खल्ती डिजिटल वालेट'लाई ।

हामी मध्य धेरैले एटिएम कार्डबाट बैंकमा रहेको पैसा झिकेर पसलमा गएर त्यो पैसा तिरेर रिचार्ज कार्ड किन्छौँ । अब बैंकमा रहेको पैसा सिधै 'खल्ती'मा ट्रान्स्फर गर्ने र खल्ती प्रयोग गरी मोबाईल बाटै किन्न मिल्ने सुविधा आयो शायद यो सहकार्य पछि ।

यसरी अन्य किनबेचमा पनि डिजिटल क्रान्ति ल्याउन बाँकी नै छ । शुभकामना यो मिसन को लागि ।

   हालसम्म १६ जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.