भुकम्प पीडितको ऋण सुविधा असोज मसान्तसम्म मात्र, पुरानाको बढेको ब्याज राष्ट्र बैंकले तिरिदिने

बिजमाण्डू
२०७५ असोज ५ गते ०९:३० | Sep 21, 2018
भुकम्प पीडितको ऋण सुविधा असोज मसान्तसम्म मात्र, पुरानाको बढेको ब्याज राष्ट्र बैंकले तिरिदिने


काठमाडौं। नेपाल राष्ट्र बैंकले भुकम्प पीडितलाई उपलब्ध गराउँदै आएको पुनर्कर्जा असोजबाट बन्द गर्ने भएको छ। राष्ट्र बैंकले निर्देशन जारी गर्दै असोज मसान्तसम्म मात्र पुनर्कर्जा उपलब्ध गराउने जनाएको छ।

Tata
GBIME
Nepal Life

राष्ट्र बैंकले भुकम्प पीडितका लागि शुन्य प्रतिशतमा पुनर्कर्जा उपलब्ध गराउँदै आएको थियो। यसमा दुई प्रतिशत मार्जिन राखेर बैंकहरुले भुकम्प पीडितलाई दिँदै आएका थिए।

पुनर्कर्जाको अवधि एक बर्षको हुन्छ। अर्को एक बर्ष नवीकरण गर्न पाइन्छ। दुई बर्ष पुरा भएपछि बैंकहरुले बजार दर  अनुसार भुकम्प पीडितबाट उठाउन थालेपछि राष्ट्र बैंकले तत्काललाई बढि ब्याज नलगाउन निर्देशन दिएको थियो।

अब पुराना ऋणको हकमा दुई बर्ष नाघेपछि राष्ट्र बैंकले आफ्नो कोषबाट ब्याज उपलब्ध गराउने छ। यसो हुँदा भुकम्प पीडितले २ प्रतिशतभन्दा बढि तिर्नु पर्दैन। 

राष्ट्र बैंकले राजधानीभित्र २५ लाख र वाहिर  १५ लाख रुपैयाँ ऋण उपलब्ध गराउँदै आएको छ। नियमित किस्ता तिरिरहेकाहरुको ब्याज मात्र राष्ट्र बैंकले बुझाइ दिने छ।