बैंकहरुले थेग्न थाल्यो शेयर बजार, सस्तो मूल्यमा लाभांस प्राप्त गर्ने मोहमा बैंकमा आकर्षित





काठमाडौं। निरन्तर भाउ तल झर्न थालेपछि बाणिज्य बैंकको शेयरमा लगानीकर्ताको आकर्षण देखिन थालेको छ। बजार विस्तारै सकारात्मक उन्मुख हुँदा लगानीकर्ता ५०० रुपैयाँभन्दा तलको मूल्य भएका बाणिज्य बैंक तथा केही राम्रो लाभांस दिने विकास बैंकमा आकर्षित भएका छन्। 

विगतका केही महिनामा बीमा कम्पनी तथा माइक्रोफाइनान्सले बजार बढाउने तथा घटाउने गरेकोमा हाल बाणिज्य बैंकहरुले बजार बढाउन मद्दत गरेका छन्। विगत एक महिनाको कारोबारलार्इ हेर्ने हो भने सबैभन्दा धेरै कारोबार हुने १० कम्पनीहरुमा नेपाल लाइफ इन्स्योरेन्स कम्पनी बाहेक बाँकी बाणिज्य बैंकहरु छन्। 


एक महिनामा बीमाको उपसूचक बजार बढ्दा पनि ओरालो लागेको छ तर बाणिज्य बैंकको उपसूचकले भने समग्र बजारलार्इ नै सपोर्ट गरिरहेको छ। 

किन बढ्दैछ बैंकको कारोबार 
पछिल्लो समय नियमनकी ब्यवस्था अनासर अधिकांस बैंक तथा वित्तीय संस्थाले चुक्ता पूँजी बढाइसकेका छन्। बीमा कम्पनीहरु पनि अन्तिम तयारीमा छन्। बीमा कम्पनीहरुको बढेको बजार मूल्य समायोजन हुने चरणमा छ।

बैंक तथा वित्तीय संस्थाले गत वर्षनै लगभग पूँजी जुटाएरको हुँदा गएको एक वर्षमा मूल्य समायोजन भैसकेको छ। मूल्य समायोजन भएर बैंकहरु वास्तविक अवस्थामा आइपुग्दा बैंकहरुको बजार मूल्य लगभग आधार मूल्यभन्दा केही माथि मात्रै छ। 

सस्तो मूल्यमा शेयर खरिद गर्दा पनि राम्रो लाभांस पाउन सकिने देखेर लगानीकर्ता बाणिज्य बैंकमा आकार्षित भएको बजार विश्लेषक बलराम रिमाल बताउँछन्। गत आर्थिक वर्षमा अधिकांस बैंक तथा वित्तीय संस्थाले राम्रो मुनाफा गरेका छन्। बैंकहरुले गत वर्षको मुनाफाबाट लाभांस घोषणा गर्न थालेका छन्। 

यस्तो समयमा बाणिज्य बैंकहरुको शेयर खरिद गर्दा धेरै मूल्य तिर्नु पर्दैन साथै लाभांस मात्रै खाँदा पनि घाटा नहुने हुँदा लगानीकर्ताले बाणिज्य बैंकको शेयरमा सुरक्षित महसुस गरेको रिमाल बताउँछन्। बीमा कम्पनीको शेयरमा अझै समायोजन हुन बाँकी छ। यसले गर्दा पनि लगानीकर्ताले बाणिज्य बैंक तथा विकास बैंकमा सुरक्षित महसुस गरेका हुन्। 

चुक्ता पूँजी बृद्धिपछि पनि ब्यापार बढेका हिसावले थप पूँजी बढाउनु पर्ने वाध्यतामा बैंकहरु छन्। कतिपयले ऋण विस्तारका लागि ऋणपत्र जारी गर्न थालिसकेका छन्। त्यसैले नाफाबाट पूँजी बढाउन बोनस शेयर जारी गर्ने संभावना बढेकाले पनि लगानीकर्ता बैकको शेयरमा आकर्षित देखिएका हुन्।

भदौ महिनामा सबैभन्दा धेरै कारोबार भएका कम्पनी 

कम्पनी

औषत मूल्य

जम्मा कारोबार

बजार मूल्य

एनएमबी बैंक

323.94

403,517,038

338

एनआइसी एशिया बैंक

350.56

321,797,358

408

नेशनल लाइफ इन्स्योरेन्स

912.83

309,438,589

905

नेपाल इन्भेष्टमेन्ट बैंक प्रमोटर

573.44

258,446,905

580

कुमारी बैंक

213.78

208,390,706

233

ग्लोबल आइएमर्इ बैंक

300.94

167,065,173

316

नेपाल बैंक लिमिटेड

289.61

158,060,840

298

प्राइम कमर्सियल बैंक

301.44

134,080,503

325

नेपाल इन्भेष्टमेन्ट बैंक

637.33

126,280,468

650

नविल बैंक

955.83

122,735,351

965

मेगा बैंक

168.67

121,814,578

178

प्रभु बैंक

186.44

115,234,065

202

सिद्धार्थ बैंक

317.33

114,783,470

328

जनता बैंक

160.06

109,968,083

173

एनसीसी बैंक

185.44

98,648,463

200

सानिमा बैंक

323.17

95,062,298

336

बैंक अफ काठमाडौं

293.06

88,170,502

311

सेञ्चुरी बैंक

151.5

86,917,192

158

एभरेष्ट बैंक

660.39

86,587,136

660



Share this Story

   

बैंकहरुले थेग्न थाल्यो शेयर बजार, सस्तो मूल्यमा लाभांस प्राप्त गर्ने मोहमा बैंकमा आकर्षित को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.