काठमाडौं। नेपाल लाइफ इन्स्योरेन्स कम्पनीको नाफा १५ प्रतिशतले बढेको छ। बीमाङ्कीय मूल्याङ्कन तथा लेखापरीक्षण नगरिएको वित्तीय विवरण अनुसार कम्पनीले गत वर्ष ४७ करोड ९२ लाख रुपैयाँ नाफा गरेको छ।
अघिल्लो वर्ष लेखापरिक्षण हुनु भन्दा अघिको नाफा ४१ करोड रुपैयाँ थियो भने लेखापरीक्षण पस्चात एक अर्ब रुपैयाँ रहेको छ।
बीमा कम्पनीले ‘एक्चुरियल मूल्याङ्कन’ गर्नुपर्ने हुन्छ। यस वित्तीय विवरणमा यस्तो मूल्याङ्कन गरिएको छैन। जसले गर्दा नाफा कम आउने नेपाल लाइफ इन्स्योरेन्स कम्पनीका प्रमुख कार्यकारी अधिकृत विवेक झाले बताए।
उनले भने 'लेखापरीक्षण तथा बीमाङ्कीय मूल्याङ्कन गर्न केही समय लाग्ने हुँदा यथार्थ विवरण आउन केही समय लाग्ने छ'। यसै कारणले बीमा कम्पनीले साधारणसभा गर्न समय लागेको प्रस्ट्याए।
कम्पनीले गत वर्षको बीमा शुल्क आर्जन ३२ प्रतिशतले बढाएको छ। असारसम्ममा १६ अर्ब रुपैयाँ बीमा शुल्क आर्जन गरेको छ।
लगानी तथा व्याज आम्दानीबाट तीन अर्ब ९७ करोड रुपैयाँ आम्दानी गरेको छ। यस्तो आम्दानी अघिल्लो वर्षको तुलनामा ५९ प्रतिशतले बढी हो।
कम्पनीले गत वर्ष खुद दाबी भुक्तानी ५ अर्ब ४३ करोड रुपैयाँको गरेको छ भने बाँकी दाबी भुक्तानी ७३ करोड ९४ लाख रुपैयाँको गरेको छ।
कम्पनीको चुक्ता पूँजी ४ अर्ब ३९ करोड रुपैयाँ छ भने जगेडा कोषमा तीन अर्ब ४७ करोड रुपैयाँ जम्मा भएको छ।
बीमाङ्कीय मूल्याङ्कन अगाडी प्रतिशेयर आम्दानी १० रुपैयाँ छ। गत वर्ष यस्तो मूल्याङ्कन पस्चात ३२ रुपैयाँ थियो।
विवारण | बीमाङ्कन नहुदाको वित्तीय विवरण | बृद्धिदर | गत वर्षको बीमाङ्कन भएपछिको वित्तीय विवरण | |
गत वर्ष | अघिल्लो वर्ष | |||
खुद नाफा | 479257830 | 416545430 | 15.06 | 1004634123 |
बीमा शुल्क आर्जन | 16017320127 | 12058398157 | 32.83 | 12055925183 |
लगानी/ब्याज आम्दानी | 3973194048 | 2492898943 | 59.38 | 2502783310 |
दाबी भुक्तानी | 5435958280 | 2866918059 | 89.61 | 2884128558 |
बाँकी दाबी भुक्तानी | 739412151 | 321972502 | 129.65 | 321972502 |
चुक्ता पूँजी | 4396928648 | 3096428625 | 42.00 | 3096428625 |
जगेडा कोष | 3475789368 | 4740629071 | -26.68 | 4344957344 |
प्रतिशेयर आम्दानी | 10 | 13 | -23.08 | 32 |