काठमाडौं। सञ्चालनमा रहेका २८ मध्ये २७ बाणिज्य बैंकहरुले साढे २३ प्रतिशतले खुद नाफा बढाएका छन्। बैंकहरुले सार्बजनिक गरेको हिसाव खातालाई राष्ट्र बैंकले स्वीकृत गरेमा यही नाफाका आधारमा लाभांस घोषणा हुने छ।
बैंकहरुले निक्षेपको तुलनामा ऋण लगानी बढि गरेका थिए। साथै कर्जामा लिने र निक्षेपमा दिने ब्याज अन्तर (स्प्रेड) दर पनि बढाएका थिए। लगानी बिस्तार र फराकिलो स्प्रेडका कारण निक्षेप महँगिदा पनि बैंकहरुले 'सुपर' नाफा गर्न सकेका हुन्।
सरकारी स्वामित्वको राष्ट्रिय बाणिज्य बैंकवाहेक सबैले हरहिसाव सार्वजनिक गरेका हुन्। चार वटा बैंकको नाफा घटेको छ। नेपाल क्रेडिट एण्ड कमर्स (एनसिसी) बैंक, प्रभु बैंक, नेपाल बङ्गलादेश (एनबी) बैंक र माछपुच्छ्रे बैंकको नाफा घटेको हो।
रकमका हिसावले नबिल बैंकको नाफा सबैभन्दा उच्च छ। बैंकले ४ अर्ब ५ करोड रुपैयाँ नाफा गरेको छ। अघिल्लो आर्थिक वर्षको तुलनामा बैंकले १२ प्रतिशतले नाफा बढाएको हो। बृद्धि दरका आधारमा सिभिल बैंकले ८५ प्रतिशतभन्दा बढिले नाफा बढाएको छ। यसपछि सेञ्चुरी, जनता बैंक छन्।
रकमका आधारमा कृषि विकास बैंकले नबिलपछि धेरै नाफा आर्जन गरेको छ। बैंकले ३ अर्ब ६७ करोड रुपैयाँ नाफा गरेको छ। नेपाल इन्भेष्टमेन्ट बैंक तेस्रो स्थानमा छ। पहिलो र तेस्रो त्रैमाशमा पहिलो भएको नेपाल इन्भेष्टमेन्ट बैंक चौथो त्रैमाशमा भने पहिलो हुन सकेन। बैंकले १५ प्रतिशतले बढाउँदै ३ अर्ब ५७ करोड रुपैयाँ नाफा गरेको छ।
प्रभु बैंकको नाफा साढे ३५ प्रतिशतले घटेको छ। बैंकले १ अर्ब १२ करोड रुपैयाँ मात्र नाफा गरेको छ। यसपछि एनसिसीको १९, एनबीको करिव ८ र माछापुच्छ्रेको ७ प्रतिशतले नाफा घटेको छ।
नाफा सार्बजनिक गर्ने २७ बैंकमध्ये २४ बैंक विलेनियर क्लवमा छन्। गत बर्षको तुलनामा यसपाली दुई वटा बैंक विलेनियर क्लवमा उक्लिएका छन्। कुमारी र मेगा बैंकले अर्बमाथि नाफा आर्जन गरेका हुन्।
बाणिज्य बैंक (रु. हजारमा) | गत वर्ष | अघिल्लो वर्ष | बृद्धि % मा |
नविल बैंक | 4054744 | 3613200 | 12.22 |
कृषि विकास बैंक | 3673292 | 2548631 | 44.13 |
नेपाल इन्भेष्टमेन्ट बैंक | 3578858 | 3114131 | 14.92 |
नेपाल बैंक लिमिटेड | 3399718 | 3117694 | 9.05 |
एभरेष्ट बैंक | 2786324 | 2050477 | 35.89 |
हिमालयन बैंक | 2474590 | 2178325 | 13.60 |
ग्लोबल आइएमर्इ बैंक | 2156592 | 2006160 | 7.50 |
स्ट्याण्डर्ड चार्टर्ड बैंक | 2073395 | 1421596 | 45.85 |
नेपाल एसबिआर्इ बैंक | 1949160 | 1523238 | 27.96 |
प्राइम कमर्सियल बैंक | 1892038 | 1467942 | 28.89 |
सिद्धार्थ बैंक | 1854800 | 1386176 | 33.81 |
एनएमबी बैंक | 1812966 | 1467347 | 23.55 |
सानिमा बैंक | 1693663 | 1304103 | 29.87 |
बैंक अफ काठमाडौं | 1548668 | 1312350 | 18.01 |
एनआइसी एशिया बैंक | 1496672 | 1288065 | 16.20 |
सिटिजन बैक | 1408454 | 1081661 | 30.21 |
सनराइज बैंक | 1311768 | 1176089 | 11.54 |
माछापुच्छ्रे बैंक | 1210679 | 1302483 | -7.05 |
लक्ष्मी बैंक | 1166344 | 1006624 | 15.87 |
प्रभु बैंक | 1129661 | 1751576 | -35.51 |
नेपाल बङ्गलादेश बैंक | 1107958 | 1200382 | -7.70 |
एनसीसी बैंक | 1072036 | 1325817 | -19.14 |
मेगा बैंक | 1047131 | 793006 | 32.05 |
कुमारी बैंक | 1001493 | 700374 | 42.99 |
जनता बैंक | 934746 | 633126 | 47.64 |
सेञ्चुरी बैंक | 875738 | 501366 | 74.67 |
सिभिल बैंक | 645011 | 348280 | 85.20 |