काठमाडौं।व्रिटानिया एक वर्षभित्रै नेपालमा विस्कुट उत्पादन थाल्ने भएको छ।परवानीपुरस्थित क्षेत्रीय कृषि अनुसन्धान केन्द्रभन्दा ५ सय मिटर पूर्वमा उद्योग धमाधम निर्माण भइरहेको छ।

भारतीय प्राविधिक तथा स्थानीय कामदारहरु गरी दैनिक २ सयजना उद्योग निर्माणमा खटेका छन् । ब्रिटानियाका अन्तर्राष्ट्रिय व्यापारका उपाध्यक्ष अनिन्द्य दत्तले एक वर्षभित्र विस्कुट उत्पादन सुरु हुने बताए। नेपाल इन्भायरमेन्टल सर्भिसेज परामर्शदाता रहेको कम्पनीले वार्षिक १४ टन बिस्कुट उत्पादन गर्ने तथा १ वर्षमा १ अर्बको कारोबार गर्ने अनुमान गरिएको छ ।

वाडिया ग्रुपको १ अर्ब ११ करोडको लगानीमा स्थापना हुने यो उद्योगले ३ सय ४५ जनालाई रोजगारी दिने बताइएको छ । ब्रिटानियाले आफ्नो प्रमुखब्राण्ड गुड डे को ब्राण्ड एम्बेस्डर घोषणा कार्यक्रममा यो जानकारी दिएको हो।कम्पनीले गुड डेको ब्राण्ड एम्बेस्डरमा नायिका प्रियंका कार्कीलार्इ नियुक्त गरेको छ।कम्पनीले टिभिसी समेत बनाइसकेको छ।स्माइल मोर फर अ गुड डेको मनोभावलार्इ टिभिसीमा देखाइएको कम्पनीले जनाएको छ।