अन्ततः सौर्य एयर ६७ करोडमा बिक्री, श्याम अधिकारी समूहले किन्यो, सोमबारदेखि नियमित उडान






विराटनगर।दुई हप्ता लामो वार्तापछि नयाँ व्यवस्थापनले सौर्य एयर सञ्चालन गर्ने टुङ्गो लागेको छ ।
 
गैरआवासीय नेपाली (एनआरएन) श्याम अधिकारीसहितको समूहले ६७ करोड रुपैयाँमा सौर्य एयरको व्यवस्थापन जिम्मा लिएको हो ।

सौर्यका अध्यक्ष दीपक पोखरेलले श्याम र उनको समूहले ६७ करोडमा सौर्यको जिम्मेवारी लिएको पुष्टि गरे ।नयाँ समूहले बैङ्कको ५५ करोड र गैरबैङ्किङ दायित्व १२ करोड सकारेको छ । नयाँ व्यवस्थापनसित बुधबार राति कम्पनी बिक्रीको सम्झौंतापत्रमा हस्ताक्षर भएको पोखरेलले जानकारी दिए।
 
उनका अनुसार नयाँ व्यवस्थापनमा एनआरएन श्याम अधिकारीसहित श्याम श्रेष्ठ र अर्का एक जना पनि छन् ।‘हामी केही पुराना सञ्चालक पनि शेयर सदस्यका रूपमा रहने निश्चित भएको छ’, पोखरेलले भने, ‘नयाँ समूह उत्साहका साथ आएको छ ।

अब दशैँअगाडि थप २ वटा जहाज ल्याएर ४ वटाले उडान भर्ने र भारतका विभिन्न मुख्य शहरमा पनि उडान पुर्याउने लक्ष्य छ । यसपछि कम्पनी नाफामा जाने विश्वास लिएका छौँ ।’
 
सौर्यका उडान विगत तीन हप्तादेखि स्थगित छन् । अध्यक्ष दीपकले सोमबारदेखि पहिलेकै जस्तो उडान नियमित हुने दाबी गरे ।सौर्यसित अहिले रहेका दुबै ५० सिटे सिआरजे २०० जहाज क्यानाडाको प्रसिद्ध र सबैभन्दा पुरानो बम्बार्डियर कम्पनीमा निर्मित भएको उनले बताए ।
 
सौर्यले काठमाडौंबाट माउन्टेन फ्लाइट २ वटासहित काठमाडौबाटै विराटनगर ३, भद्रपुर, भैरहवा र नेपालगञ्ज २–२ र धनगढी १ उडान नियमित गरिरहेको थियो ।


Share this Story

   

अन्ततः सौर्य एयर ६७ करोडमा बिक्री, श्याम अधिकारी समूहले किन्यो, सोमबारदेखि नियमित उडान को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.