काठमाडौं। महालक्ष्मी बिकास बैंकका डेबिट कार्ड प्रयोग गर्ने ग्राहकले नेपाल मेडिसिटी अस्पतालमा उपचार गराउँदा सेवाशुल्कमा छुट पाउने भएका छन्।
महालक्ष्मी विकास बैंकका प्रमुख कार्यकारी अधिकृत कृष्णराज लामिछाने र अस्पतालका महाप्रबन्धक बिजय रिमालले उक्त सम्झौता पत्रमा हस्ताक्षर गरेका छन्।
सम्झौता अनुसार महालक्ष्मी विकास बैंकका ग्राहकले उपचार खर्चमा ७ प्रतिशत छुट पाउनेछन्। यसका साथै बैंकका कर्मचारी तथा कर्मचारीका परिवारले नेपाल मेडिसिटी अस्पतालको सेवाशुल्कमा १० प्रतिशत छुट पाउनेछन्।