काठमाडौं। माछापुच्छ्रे बैंकले एकै पटक १० शाखा खोलेको छ। खोटाङको हलेसी शाखाको उद्घाटन बैंकका पूर्व अध्यक्ष डा बिरेन्द्रप्रसाद महतो, सञ्चालक राममान श्रेष्ठ र नगर मेयर इभर राइले गरेका छन्।
.png)
धनुसाको गणेशमान चारनाथ शाखा महतो, श्रेष्ठका साथै नगर मेयर रामबाबु यादवले गरेका छन्। झापाको बाह्रदशी शाखा सञ्चालक गोपीकृष्ण न्यौपानेले उद्घाटन गरेका छन्। मोरङको जहदा, रौतहतको बृन्दावन, चितवनको कालिका र इच्छाकामना, कास्कीको मादी, अछामको पञ्चदेवल विनायक र मुगुको खत्याडमा समेत शाखा सञ्चालनमा ल्याइएको छ।
नयाँ शाखाबाट बैंकलले कर्जा, निक्षेपका साथै अन्य बैंकिङ सुविधा पनि दिने छ। बैंकले हलेसी र गणेशमान चारनाथ शाखामा एटिएमसमेत जडान गरेको छ। बैंकको शाखा संख्या ७४ पुगेको छ।
