पेट्रोलियम पाइपलाइनको काम अघि बढ्यो, धमाधम पाइप गाडिँदै, १५ महिनामा पाइपलाइन तयार हुने




वीरगंज। बहुप्रतिक्षित अमलेखगञ्ज- रक्सौल-मोतिहारी पेट्रोलियम पाइपलाइनको काम मंगलबारदेखि औपचारिक रुपमा सुरु भएको छ।



झण्डै दुर्इ दशकदेखि चर्चामा रहेको यो परियोजनाको मंगलबारदेखि नेपालतर्फ पनि पाइप राख्ने काम सुरु भएको हो। बाराका प्रमुख जिल्ला अधिकारी विजयनारायण मानन्धरले नेपालतर्फ पाइप विछ्याएको ठाउँमा माटोले पुरेर परियोजनाको सुरुवात गरे। पथलैया भन्दा पाँच सय मिटर दक्षिणमा पाइप राख्न सुरु गरिएको थियो।पाँच सय मिटर पाइप विछ्याएर पुर्ने काम समेत भइसकेकको छ। 

प्रधानमन्त्री केपीशर्मा ओली भारत भ्रमणका बेलामा यो परियोजना शिलन्यास गरिएको थियो।ओली र भारतीय प्रधानमन्त्री नरेन्द्र मोदीले भारतबाटै संयुक्त रुपमा परियोजनाको शिलन्यास गरेका थिए।भारततर्फ मोतिहारी देखि रक्सौल सम्म पाइप विछ्याउने काम सुरु भइसकेको छ। नेपाल आयल निगम अमलेखगंज डिपोका क्षेत्रीय प्रबन्धक तथा मोतिहारी–अमलेखगंज पाइपलाइनका परियोजना प्रमुख प्रदीपकुमार यादवका अनुसार सबै सरकारी निकायको सहयोग भएमा १५ महिनामै परियोजनाको निर्माण सकिनेछ।पाइप गाड्ने काम हैदरावादको लिखिता इन्फ्रास्ट्रक्चर सिमलेश कम्पनीले गरिरहेको छ।



अमलेखगंज–देखि रक्सौल सम्म ३६ दशमलव २ र रक्सौल देखि मोतिहारी सम्म ३२ किलोमिटरमा पाइपलाइन निर्माण हुनेछ। भारतको बिहार राज्यको पूर्वी चम्पारण जिल्लाको मोतीहारी बजारक्षेत्रको ११ किलोमिटर उत्तरतर्फ सेमरा भन्ने स्थानमा टर्मिनल प्वाइन्ट निर्माण गरी अमलेखगंजसम्म पाइपलाइन मार्फत इन्धन ल्याउने योजना छ ।

पाइपलाइन रक्सौल देखि रजतजयन्ती चोक सडकको पुर्व पट्टिबाट निर्माण हुनेछ।रजतजयन्ती देखि परवानीपुर बाइपास सडक हुदै अमलेखगंज सम्म सडकको पश्चिमबाट पाइपलाइन ल्याइनेछ।



ईआइए प्रतिवेदनको पर्खाइमा
अमलेखगंज देखि पथलैया सम्म करिब ८ किलोमिटर लम्बाईमा पर्सा राष्ट्रिय निकुञ्जको जंगल परेकाले वातावरणीय प्रभाव मूल्यांकन प्रतिवेदनको पखाईमा निगम छ।वातावरण मन्त्रालयले एक सातामै इआइए प्रतिवेदन पठाउने आश्वासन दिएको निगमले जनाएको छ।यो परियोजनाका लागि २५ हजार रुख काट्नुपर्ने अनुमान गरिएको छ।

पाइपलाइन निर्माण हुने स्थानमा अतिक्रमित जग्गा,विद्युत पोल अझैसम्म सारिएको छैन। यो समस्या वीरगंज–रक्सौल भन्सार क्षेत्रको १ किलोमिटर,परवानीपुर बजार क्षेत्र र जीतपुर बजारमा बढी छ।

नेपाल र भारतबीच भएको सम्झौतामा भारु दुई अर्ब ७५ करोड लाग्ने अनुमान गरिएको छ।  सम्झौतानुसार भारु दुई अर्ब भारतले र बाँकी भारु ७५ करोड नेपालले व्यहोर्नुपर्नेछ। निर्माण सुरु भएको तीस महिनामा परियोजना सम्पन्न गरिने सम्झौतामा उल्लेख छ। परियोजना अन्तर्गत अत्याधुनिक प्रयोगशाला, ठूलो भण्डारण क्षमताको ट्यांकी र स्वाचालित इन्धन (लोडिङ) प्रणालीको जडान हुनेछ।
 
परियोजना पूरा भएपछि निगमलाई बिनारोकटोक  पेट्रोलियम पदार्थ आपूर्ति हुन्छ। निगमका अनुसार परियोजनापछि नेपाल भित्र्याउन ट्यांकरले खपत गर्ने इन्धनबाट प्रतिदिन २९ लाख २० हजार खर्च कटौती हुनेछ। त्यसैगरी निगमको ७१ करोड वार्षिक ढुवानी खर्च बचत हुन्छ।


Share this Story

   

पेट्रोलियम पाइपलाइनको काम अघि बढ्यो, धमाधम पाइप गाडिँदै, १५ महिनामा पाइपलाइन तयार हुने को लागी २ प्रतिक्रिया(हरु)

Narendra[ 2018-04-18 10:55:08 ]
pipeline ko bich batai indhan ko chori na huna kasto sursakshaya pranali apnayeko 6 tesko barema pani news ma sambes gareko bhaye bes hune thiyeo :)

   हालसम्म ४८ जनाले यो प्रतिक्रिया मन पराउनु भयो ।


indra jit giri[ 2018-04-17 06:35:54 ]
hamile kasto netaharu ani tiniharu sangaika mai hu bhanne buddhijibi haru paleka 6u bhane.....sabai deshle indhan bata chalne sadhan haru katauti gardai jane bhaneko 6 tara hamro ma chai katinai ramro kamgarna lageko jashto garera teshko bakhan gardai 6u.... tara pani nabhujeko dekhda katai yeshma pani kehi swortha lukeko 6kinjasto lageyo........

   हालसम्म ५१ जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.